Popular Bible Verses from REVELATION 11

Share

Kut g wewaꞌakkokam anghil am hahawa kuhu g e-kuikudkaj. K am haꞌi si s-kaidam neneok ab dahm kahchim t amjed ch hab kaij, “Wehs g kokownaltalig ia jewed dahm at d haha wo Jiosh kownaltaligk. Kut am wo ha dahmkad g si e-kehsha wehm iꞌajed ch chum hekid.”

Hegam mo pi m-mahch o si s-babga. Kut e ai mapt wo ha lodai. Wehsijj g koꞌi at wo i wuwhag k wo e lodaitach. Kupt wo ha mah g ha-mahkigdag g haꞌichu i m-tashogiddam ch wehs hegam mo d m-hemajkamga ch ab s-m-wohog elid, chum as hedai d wo k. E at ai mapt gam hu hab wo i ha juh hegam mo padchud g jewed” Neh, bo kaij hegam geꞌeged.

Jiosh o hab kaij, “Gohk ant wo ha mah g ni-pionag g gewkdag. T idam am wo ahgahi g haꞌichu ni-ahga ab wabsh shoꞌig e enigadad g dahumkaj heg oidam hemako mihl gohk siant chuhdpo wehst-mahm (1260) tash.”

Am i dahm g waik eda hugkam tash, ni am neid matki g Jiosh ab haha wo i ha mah g doakag. Tki wo gegokiwua. Kutki wehsijj hegam mat wo nei ihda wo si s-ehbeni.

Ab oki mahks g apꞌedag mat wo kuh g dahm kahchim. T pi wo ha juhkad heg oidam mat am wo ahgad g Jiosh haꞌichu ahga. Ab oki ep mahks g apꞌedag mat wo ehꞌedch g shohshonkam shuhdagi k an wo i wuhshad g nahnko mahs si shoꞌigdag ch mumkidag ia jewed dahm.

Neh, t am hahawa ni-chehgi matki has wo masmak idam gohk. Kutki hab wo masmak mo hegam gohk olive uꞌus wuhshanig mo wa heki hu oꞌohanas ab ha amjed ch hab ep wo masmak mo hegam gohk lalampa mo am chuhch geꞌe cheopi ch ed. Kuki g mehi ab i wushke ha-chihchini amjed ch ha kokda g ha-obga. Kut hedai wo i chum s-koꞌokam has ha juh k wo e kokda.