Popular Bible Verses from 1 CORINTHIANS 12

Share

Heg o ab t‑mahkch g Hekia S‑apꞌekam Gewkdag. K id am t‑gewpkadch ch ab heheꞌejel t‑mahkch matt has wo t‑junihid ch am aꞌai wo i t‑wehmajk. Kuch s‑mahch mo am t‑eꞌeda g Hekia S‑apꞌekam Gewkdag no pi ab t‑mahkch g gewkdag.

Pegih, wehsijj ach d hemako g Jesus Christ wehm ch heg wa wepo mach d honshpadaj ch heheꞌejel d nahnko chuhchuꞌidaj.

Pegih, bach wa masma chum t‑wehm s‑ap chikpan ch wehs t‑wehm wo t‑shoꞌigch mattp hema haꞌichukaj wo t‑shoꞌigch. Kutt wehs t‑wehm wo s‑hehgigk mamtp hema ab wo si s‑ap has t‑ah.

Ab o haꞌijj t‑mahkch matt wo s‑chu aꞌamichud k am wo tashogi g s‑hasig haꞌichu ch ab haꞌijj t‑mahkch matt wo si s‑mahchk ch ahgachugad g Jiosh haꞌichu ahga. Ab o haꞌijj t‑mahkch g geꞌe wohochudadag ch ab haꞌijj t‑mahkch matt wo ha doaj o g s‑hasig haꞌichu hab ep wo junihid. Ab o haꞌijj heheꞌejel t‑mahkch g haꞌichu e‑ahga matt wo ahgad ch ab haꞌijj t‑mahkch matt wo neneokad g pi t‑machiga neꞌokikaj ch ab haꞌijj t‑mahkch matt wabsh wo s‑amich hegam neꞌoki k am wo i tashogi k ch ab haꞌijj t‑mahkch matt wo s‑mahchk mo haschu ahga ab amjed g Hekia S‑apꞌekam Gewkdag ch haschu pi ab hu amjed.

Neh, wehs ihda o ab d amjedkamaj g Hekia S‑apꞌekam Gewkdag. K heg ab heheꞌejel t‑mahkch mo has i mahs chikpan am hab s‑junimk ab gai t‑wuhshanim.

Wehs ach ha tatchua g hab t‑chuhchuꞌidag mat wehs e wehm s‑ap wo chikpanad.

Ab o t‑mahkch g Hekia S‑apꞌekam Gewkdag g gewkdag matt hab wo junihid g nahnko mahs haꞌichu am wehhejed g Jiosh. K g t‑kownalig Jesus am apꞌechudch matt has masma am hab wo junihid. K d nahnko mahs chikpan mach am hab junihim ch wabshaba wehs ab d amjedkamaj g Jiosh.

Jiosh at wehs ab i t‑mahkhi matt haschu hab wo junidahid. K id d si wehs ha dahm t‑chikpan mach haꞌi d Jesus Christ chuhchai ch am ahgachugch g haꞌichu ahga ab amjed. K id ab oidch d t‑chikpan mach haꞌi d Jiosh haꞌichu ahga i tashogiddam. K id ab oidch d ep t‑chikpan mach haꞌi d Jiosh haꞌichu ahga ha mashchamdam. Haꞌijj ach s‑hasig haꞌichu hab wua ch haꞌijj uꞌukch g gewkdag matt wo ha doaj ch haꞌijj am i ha wehmaj haꞌi ehp ch haꞌijj am haꞌichu aꞌapꞌechud ha shahgid g t‑wehm wohochuddam ch haꞌijj g pi t‑machiga neꞌokikaj neneok.

Kuch eda nahnko mahs haꞌichu chikpan hab masma mo g nahnko chuhchuꞌidaj g t‑honshpadag.

Haꞌi o pi gewpkdag g hab t‑chuhchuꞌidag ch wabshaba hab wa masma d si t‑tatchui.

Kuch wabshaba wehs ha tatchua natt ge has masma haꞌichu wo kah mattp pi wo sha ha nahnkk ch pi has masma wo hewagi mattp pi wo sha ha dahkk. Jiosh at am nahto g oꞌodham k hab masma hab juh g nahnko chuhchuꞌidag ab t‑honshpadag ab. K wehs ab i e wehnadch g hab t‑chuhchuꞌidag no pi d hemako g t‑honshpadag.