Popular Bible Verses from 1 CORINTHIANS 11

Share

Tsh wa woho hab e juh. Kutsh am hahawa bei g tahsa k hab kaij, “Do ni‑ehꞌed ihda nawait. Id ani hab ahgch hab kaij mat g ni‑ehꞌed wo e iawua. T g Jiosh heg hekaj am hab wo juh hegai mo wa hab kaij matsh hab wo em‑juni. Ab g wo ihꞌi ihda k id chum hekid am hab wo junihid mamt wo s‑ni‑chegitok.” Neh, bo kaij g t‑kownalig Jesus. Kuch hekid am hab i wua ihda chemait hugi ch am tasho wohokamchud mat t‑wehhejed muh ch ab aihim mat ep wo jiwia.

Am ani wa em‑mashcham hegai mo wa g t‑kownalig Jesus am ni‑tashogid ab amjed ihda chemait hugi himdag. Am atsh i shonwua heg i hudunk ab mamtki wa wo gagda matki wo e muhkid. Hegam mash wa ab wui e dagitokch atsh am i e hemapai. Kutsh g Jesus am i bei g chemait k am i hahai ab hoꞌigeꞌidk g Jiosh k hab kaij, “Do ni‑honshpadag ihda mamt am i em‑hahaini. Id ani hab ahgch hab kaij mant wo ni‑muhkid am em‑wehhejed. Ab g wo huhgi ihda hahainig k id chum hekid am hab wo junihid mamt hekaj wo s‑ni‑chegitok.”

Pegih, tt am wo si hejel i t‑mamche machs wa woho ab haꞌichuchud g t‑kownalig Jesus k am hab haha wo juh g chemait hugi. Tsh ab wo moht g chuꞌijig matp hedai pi ap hab wo wuad ihda chemait hugi no pi pi haꞌichuchud mat am dagito g e‑hon kots wui k am iawua g e‑ehꞌed mat t‑wehhejed muh. Tt am wo ai g s‑koꞌok t‑namkidadag mattp hab wo juh g chemait hugi pi amichudch mat am t‑wehhejed muh g t‑kownalig Jesus.

Pegih, tt am wo si hejel i t‑mamche machs wa woho ab haꞌichuchud g t‑kownalig Jesus k am hab haha wo juh g chemait hugi. Tsh ab wo moht g chuꞌijig matp hedai pi ap hab wo wuad ihda chemait hugi no pi pi haꞌichuchud mat am dagito g e‑hon kots wui k am iawua g e‑ehꞌed mat t‑wehhejed muh.

Am g wo ni‑oidk hab e wuad hab masma mani ahni Christ oidch hab ni‑junihim.