Popular Bible Verses from ROM 8

Share

Tau kikilai na kinau hika ba. I God u tuku boloki lo vataha na kinau hinea rau tuku vanamai lo noda tokaana kwara ne tabekita hi tau lagwa maia. I kita hi i God mo kwarekita lo hala hinea mo mataia.

I nau nu kikilai ba kwara a kinau tikei vohoki kwara ne kwaheki lavikita tina lagwaana noi Kraes. Diko tau mate diko tau ahi, vae nehe kwaheki lavikita tea tina nona lagwaana. A kaihora tina taetae diko a hugwe na hatiki lolo mahaleki, diko a huirana lolo mahaleki, vae ranahe vai lai tea. A kinau hinea rau vanamai ba diko kwara rana vanamai te lo taroki, vae ranahe kwaheki lavikita tea tina nona lagwaana. A kinau aulu sea tina mahaleki diko tavuti na varamana, vae ranahe vai lai tea. Kareaki a kinau hinea i God mo taura, vae hete kwara te katukwale ne kwaheki lavikita tina lagwaana hinea i God mo vosangi lakwakita lalahi Jisas Kraes, a noda Hugwe*.

Lo halaki hokinia nga, a Tanungwe Kokona vake u hago maikita, huri a noda huirana tikei. Tahe kikilai tea kwara tana tiutangaroa kworohokinia, vae a Tanungwe Kokona sibona aia u rongo hati maikita mo tiutangaroa noda lakwai God, vae a leo tikei hinea u taritarisa kwara ne viti huri na leona.

?Tau tuku domidomi lo kinau vano hika, vae tana viti kworoho? I God aia maikita, vae a tangaloi tikei kwara ne gui lavikita.

Vae hika a tangaloi tikei kwara ne areki lavikita hinea tau hariki lui Jisas Kraes*, ne viti kwara tana kwali na kakadiki

Diko a lengalengahuri hati u kwiribibi na domidomi na tangaloi, vae ne mate luna. Vae diko a Tanungwe Kokona u kwiribibi na domidomi na tangaloi, vae ne ahi luna, vake a magemuana ne eno maia.

Vae venaha. I Kraes hinea u lagwa maikita haburu u vaikita tamo gui savi na kinau vano hi tigwaravu.

A nogu domidomi aia hika. Lolona tamo toko domidomi huri na ahiana karea hinea lolo taetae kwara vae i God ne bete lakwakita, doluaki na kinau hinea lo taroki hika ramo toko vaikita tamo rongo hati haburu luga, rau hoki na kinau vuroki vohoki.

A tangaloi tikei kwara ne kwahekikita tina lagwaana noi Kraes. Diko i kita tau rongo hati, diko a taro madi lakwakita, diko a tangaloi rau vai bulakikikita, vae venaha. Diko u marakatikita, diko tau kakaravika, diko i kita lo hala na mateana, diko a tangaloi rau kwohi mateikita, vae a kinau vano hi ranahe kwaheki lavikita tea ti Kraes.

I God hinea u tuku taga tilolo domi na tangaloi, u kikilai na domidomi nona Tanungwe Kokona, huri a Tanungwe hi u tiutangaroa lakwai God huri na tangaloi noi God u taritarisa luna hi i God mo lengaia.

Aira hi a Tanungwe noi God u turukinira, rau kwareki i raranatu i God.

A tangaloi hinea rau tuku vai na hatiki hinea aira siboga rau lengaia kwara rana vai, a hatiki hi u kwiribibi na domidomiga. Vae aira hinea rau tuku vai na kinau karea hinea a Tanungwe Kokona u lengaia kwara rana vai, vae a Tanungwe Kokona u kwiribibi na domidomiga.

I God he uti Natuna vohoki te kikita, vae u tirakinia mo mate kwara ne vakahikikita doluaki. Mo tiraki Natuna vohoki kwara ne vakahikikita, vae kareaki nehe uti na kinau te kikita, aia ne hokoraki vunuhira lakwakita.

A Tanungwe hi noi God u hariki lolo domida kwara ne viti matangwasaraki kwara i kita i raranatu i God. I kita tau kwareki raranatuna, vae huri hi tana lavi na karekarea hinea i God mo tau terekakinira huri na bulana tangaloi. Tana bulu tabulutaki mai Kraes* lo nona karekarea hinea i God mo tau terekakinira kwara a nona. Vunu huri tau bulu mai Kraes lo nona rongoana hati, vae tana bulu maia vake, tana toka maia lo nona karekarea lolo taetae.

Hokinia lolona a lengalengahuri hati u kwiribibi na domidomi na tangaloi, a tangaloi hi u kwareki a tavaluivuro noi God. Tigwaravu he vai na kinau tea hinea a Tangwata noi God mo viti. Nehe vai lavira te vohoki.

A varamana mana kinau doluaki hinea i God mo taura, rau hugu tara na taroki hi, huri rau lengaia haburu kwara rana taga kwara i God ne matangwasaraki raranatuna.

Vae vaki na hika, i kita tau kikilai kwara a kinau vano hi savia i God mo taura, rau rongo hati haburu hoki na vavine hinea a lolona mo kadia kina natu.