Popular Bible Verses from HIBRU 2

Share

Vae hikani ne hago lai maira hinea a kinau ramo toko vai rongohira, huri aia vake a kinau vano hi rau vai rongohia ba, vunu aia vake u rongo hati luga ba.

A raranatu hinea i Jisas mo viti hurira aira a tangaloi hinea a tarabehiga mana daiga eia. Vae huri hi i Jisas vake mo mulemai ki tangaloi, mo hokinira bakotoki, mo bulu lo mauriana katukwale maira. U vai hokinia hi kwara vae lalahi na kana mateana ne vai magaraki na huirana nona tanungwe hati i Setano*, aia hini mo hago huirana koro na mateana.

Vae huri hi i kita tana huira karakara huri kwara tana kwiribibi ne madi na leo na vitikareaki vano hi tau rongora ba, kwara vae ta hatu vano salasala tina halada.

Vae huri hi mo vai hokinia hika. Tomuaki mo mulemai mo taritarisa hoki ratuana vano hi, kwara vae ne mulemai ki noga Hugwe na Tangaloi* Lingilingi lo nona bolokiana lakwai God. Aia a noga Hugwe na Tangaloi Lingilingi hinea u hakavira, rau hauhuri lai luna, vae huri hi mo vai na hala kwara i God ne domidomi koro na noga hatiana.

Vae tamo tagahagwe kwara i Jisas aia u hugwe koro na kinau savia. I God u lagwa kwara ne hago mana tangaloi kina nona domi tabetabe lakua vae huri hi mo vai i Jisas aia evina sileti na kaihora lolo taetae lo taro gwanugwanu, kwara vae ne mate kwara ne lai a tanotano na tangaloi savia. I Jisas mo rongo hati lo tarabehina tarisaki mo mate, vae huri hi tau taga kwara i God u tabe hakekinia mo bete na hina lakua lakwae.