Popular Bible Verses from HIBRU 10

Share

Ta hatu hugu tina bulubulu na kwarelua* hokinia hinea tuaki tikita ramo toko vai. Aia tigwaravu tana hagohago maikita tana rakati na domida muleki vakevake kwara rana huira, huri tulu taga kikilaki kwara a Rani nona Hugwe u vanamai mo toko garagarani.

U karea kwara vatavatahakikita tana domidomi-hagwekita, tana hagohago maikita kwara tana lagwalagwa maikita tana vaivai karea maikita.

U karea kwara tana kwiribibi ne madi a doridori aia hi tau vitia ba kwara a doridorida, hinea tamo tau savi na domida mo tu mo madi lui God. Tau vai kwehi huri u kareaki tau hauhuri lai lui God kwara aia vae ne vai savi na nona tulikileo rana mule luna.

U taritarisa kwara a domimiu ne bua kwara tulu ne vai savi na kinau hinea i God mo lengaia. Vae tulu ne hagwe lavi na kinau hini mo tuliki terekakinira lakwakamu.

Vae hika u karea kwara tana vanamai vaki garagarani mai God, hinea a domida u ngwasara, a noda hauhuriana u tu madi, a domida hinea tomua u hogora kina noda hatiana vae u ngwasara ba kina dai i Kraes. Vunu a tarabehida vake rau ngwasara kina kwai ngwasara hinea tau ngwada luna ba.

U karea, vae hika tulu kwiribibi na domimiu ne eno ne madi hokinia hi, huri a kaitakwe hinea vae tulu ne lai huri, u seleka vohoki.

Vae hika i kita hinea tau lavi na vitikareaki tau kikilaia u karea, vae diko tau domikinia tamo maraka tamo vano nga tamo vai na hatiki, vae hokinia hi a hala ne tikei. A kairoroi tikei vake hinea kwara tana kwohi mateia kwara ne lai letiuki na noda hatiana. Aia a hala aia hika kehekeheki ne eno hurikita, vae tana matakutaki God karakara lolona hinea tana hugu tara kwara ne taga kwaheki na doridorida ne vai kadikita. Tana hugu tara na kabu hinea u huira haburu vae ne kao letiuki doluaki na tavaluivuro noi God.