Popular Bible Verses from 1 PITA 5

Share

I kamu hinea a domimiu rau tuku kwalao laliki, tulu tau savi na nomiu rongoana hati tiluna huri aia u domi hurikamu tigwaravu.

Vae i God u tuku hago maikita tigwaravu kina nona domi tabetabe lakua, vake u kwarekamu kwara tulu ne bulu mai Kraes lo nona tokaana karea lolo taetae hinea nehe rovo lai tea. Tulu ne rongo hati lo tarabehimiu lo taro gwanugwanu, vae vaki takuni i God sibona neri vaikamu tulu mo bakoto vohoki. Ne vaikamu tulu ne huira, ne bete na huirana lakwakamu, ne rivukikamu hoki na beru hinea he kilu lai tea.

Tulu likoki tulu tagahuri ne karea, huri a nomiu tavaluivuro, aia hi i Setano*, mo toko lakao laliki hoki na laeon hinea u marakatia mo toko ngara, u tuku soro haro kwara ne kania te katukwale. Tulu tu ne madi lo nomiu hauhuriana kwara tulu ne tu koroa, huri tulu kikilai kwara vataha na mahagweki lo varamana, i rabelamiu lui Kraes* vake rau hagwe na rongoana hati huri na hina i Jisas, hokinia hi i kamu tulu mo toko hagwea.

Vae huri hi tulu hivokikamu kwara tulu ne hugu tavuti na kaba i God hinea a huirana luna, vunu lo taro hinea mo tagaia kwara u taritarisa aia neri tabe hakekikamu.

Lo hala hokinia hi, i kamu a ngwalagelo tulu rongohuri na nomiu ngwarasea. Vunu i kamu doluaki tulu lailai hivokikamu kwara tulu ne hagohago maikamu, huri a Uliuli* Kokona u viti kwara, “I God u bulakiki vovohira hinea rau lailai hakekinira, vae aira hinea rau lailai hivokinira, u hago tabetabeki maira kina nona domi tabetabe lakua.”