Popular Bible Verses from 1 KORIN 5

Share

Vae lo leogu nomo viti lakwakamu kwara tulu ne hatu bulu mana tangaloi hinea rau tuku viti kwara aira i rabelada lui Kraes, vae aira rau tuku vai na kinau vano hi. Diko rau vai na doridori hati, diko rau lengai na kinau vatahae, diko rau tuku tiutangaroa lakwa na takaro vuroki, vae tulu ne hatu bulu maira. Diko rau vitiviti huri tangaloi, diko rau inuinu ramo reraka kinia, diko rau balubalu, vae i kamu tulu ne hatu bulu maira. Tulu hatu hugu mana tangaloi hokinira hi tulu mo kanikani maira.

Tulu tau letiuki na vaivai hati, hokinia tulu mo tau letiuki na is tuai, vunu tulu ne hoki na vulaoa karagwa hinea he maraka tea, a is tikei lolona. Kareaki i kamu hoki na bereti na Tivekiana hinea a is tikei lolona. Vae i Kraes* a noda kairoroi*, rau kwohi mateia ba. Aia hoki na sivsivi* kelekele hinea rau kwohi mateia lo taro na Kanikani* na Tivekiana.

I nau nahe taritarisa tea kwara na areki na tangaloi hinea aira tavalavarea tina noda bulubulu. I God aia ne arekinira. Vae u taritarisa kwara i kamu tulu ne arekinira hinea aira lo nomiu bulubulu. Hokinia a Uliuli* Kokona u viti kwara, “Tulu tau letiuki na tangaloi hati hi tina nomiu bulubulu.”