Popular Bible Verses from PAKI TEA NI ROMA 8

Share

Go tu atae naga naleo maga mamau puti eu magi tea maga waina eu dodomi Sup̃e do saisai p̃osiwosi paki tea wia, magi tea maga waina eu pei tea sosoana pae namidoakisokiana aneana.

Nalakena a saralomau kasua naga namauriana, kite namateana, kite agelo maga, kite tea vei nawota maga, kite tea kasua maga, kite tea maga waina eu doko ragi waia, kite tea maga waina euga wo umai, kite elagi, kite epua, kite tea tawonakiana p̃ota sikai, ega wo da mari atae mari gida tuga vamawota m̃elu dua ki nadodomiana ki Sup̃e mau, waina e doko Kristo Yesu Nawota anigida.

Go dapala nogoe Naatana ma e silae namanainaiana anigida: nalakena tu da dapasavasa atae mau dapala waina e one gida one: ma Naatana nogo e manigida do pavara ki nagiana maga waina eu mari sa pei tea vasaana

Nalakena tea wanogoe tuga noa nasava nalo ni tea maga wanogoe? Sup̃e e pe vei tea anigida, sei e pe vei tea tip̃a gida?

Nalakena tea wanogoe te natip̃akotoviana paki tea maga waina eu doko Kristo Yesu e da doko mau.

Nalakena namidodoana ni nap̃okasi e pei namateana, ma namidodoana ni naatana e pei namauriana go natam̃ateana

Ma nalo ni tea maga mamau puti wanogoe tu pei tea mari matua p̃arua ara pae tea waina e dodomi gida.

Nalakena a midoaki nia naga narogokitesaana maga ni ragi waia eu pei tea m̃oli ragi waina tu midoaki nasamasamaana waina ega wo pei tea mari‐pakasa‐kiana nalo kakagida.

Sei ega wo mari gida tuga vamawota m̃elu dua ki nadodomiana ki Kristo? Nariesokiana kite? Kite narogokitesaana? Kite nakopaleleana? Kite navitoloana? Kite nam̃alam̃alaana? Kite namatakuana?

go tea waina e do leo usiusi nap̃op̃o maga e atae tea waina e pei namidodoana ni Naatana, nalakena e magi tea tautau maga do pavara pae namasauana ki Sup̃e.

Nalakena tea maga waina eu pei tea marakiana ki Naata ni Sup̃e, nara eu pei Sup̃e natuna maga.

Nalakena tea maga waina eu pei tea vae nap̃okasi eu midoa ki tea maga ni nap̃okasi; ma tea maga waina eu pei tea vae naatana eu midoa ki tea maga ni naatana.

Nae waina e da mauti Natuna aneana mau, ma e manigida mamau puti pitua ki nia, ega wo da dua m̃oli ki gida naleo maga mamau puti euga sikoti a kite ekasava?

Naatana nogo e do noasokisoki sikoti naatagida, naga tu pei Sup̃e natuna maga: ma tu pe vei natuna maga, tu pe vei tea veanipioli maga, tea veanipioli maga ki Sup̃e, go tea veanipioli maga sikoti Kristo; tu pe sua tea sa maga sikoti a, naga tuga vei tea samasamaniana sikoti a.

nalakena namidodoana ni nap̃okasi e pei nakokonaana paki Sup̃e; nalakena e da doko etano paki nawotaeana ki Sup̃e mau, go e mari sa doko etano paki nia.

Nalakena naleogoroparatikiana ni tea tawonakiana e do leogoro namari‐pakasa‐kiana ni Sup̃e natuna maga.

Nalakena tu atae naga tea tawonakiana mamau e do saisai gi po pitinu dakiusi tea visola pa pa paki ragi waia.