Popular Bible Verses from PAKI TEA NI ROMA 1

Share

Nalakena a da maliere ki narogorogoana wia mau: nalakena e magi sara naata waina eu saralomau pei nakasuaana ki Sup̃e paki namautipauriana; e magi tea ni Yudea pea, go e magi tea ni Hellas.

Nalakena namarinaleoleanaana ki Sup̃e e pei tea noapakasakiana asa pae nasaralomauana paki nasaralomauana: dapala waina e pei tea midiriana, e naga, Ma tea leana ega wo mauri pae nasaralomauana.

Nalakena tea maga kakana waina eu da pei tea vunusiana mau pae ragi ni natawonakiana ni maramana pa pa, eu pei tea leop̃aiana, eu pei tea midoakiataeana pae tea maga waina eu pei tea mariana, nakasuaana aneana waina e du mau du go navei‐Sup̃e‐ana kakana; naga euga tika navasakorokoroana

nalakena ragi waina eu atae Sup̃e eu da samasamani a mau dapala e pei Sup̃e, go eu da pasadodom̃ataki mau; ma eu pei tea p̃alo nalo ni namidodoana adeada maga, go nap̃op̃oda waina e midoaki sap̃o e po maligo.

nalakena eu surupioli ki nalomauana ki Sup̃e raki nasorosoroana, po lotu ki tea tawonakiana po maneana suasua po da lotu ki Tea Tawonaki po da maneana suasua mau, waina e pei tea vasap̃iakiana pa pa ega tu mau du. Amen.

Nalakena namaetoana ki Sup̃e e pei tea noapakasakiana pae nakoroatelagi umai dip̃a sara nasigisigileoana go sara namarinaleotageleana ki naatam̃oli maga, waina eu puasoki nalomauana pakitano ki namarinaleotageleana

Nalakena tea wanogoe Sup̃e e pitua ki da paki narogoana maga ni nadododaoana: nalakena nagoroi adeada maga eu surupioli ki namariana waina e pae navakilinaana raki tea waina e panop̃ota ki navakilinaana: go dapala nogoe naanoai maga ma, eu doropusi namariana ni nagoroi waina e pae navakilinaana, po pavaga ki namasausauana adeada dum̃ada paki da, naanoai maga sikoti naanoai maga po do mari tea leosakiana, po do dum̃ada dape doko ara namoriana ni namaripeleana adeada waina e one asa one. Go dakiusi waina eu da midoakim̃ata ki nia mau naga euga veani Sup̃e doko naataeana adeada, Sup̃e e pitua ki‐da paki namidodoana tip̃adoaana, naga euga mari tea maga waina eu da p̃ia mau

Ragi waina eu do noa naga eu manumatua, eu po pei tea manumatavusa, po surupioli ki nasamasamaana ni Sup̃e waina e mate sap̃o, raki natakiusiana ni nunu ni naatam̃oli waina e mate, go ni manu maga, go ni tea tuavati maga, go ni tea kakaravi maga.