Popular Bible Verses from PAKI TEA E FILIPPI 2

Share

doko da midoaki te navatuna pae namariputuakiana kite pae nasamasamaana p̃alo mau, ma ki nap̃op̃ovakitanoana kuga tum̃amu midoaki mu naga ku dum̃amu p̃ia liu mu; doko da mamau puti sikasikai leopunusi naleo animu maga mau, ma kuga mamau puti sikasikai leopunusi naleo maga ki tea p̃ota maga.

Kuga midoaki tea waia ega toko mu, waina e doko Kristo Yesu

waina e doko namaridawonakiana ni Sup̃e, po da midoaki nia mau naga navataka‐ni‐Sup̃e‐ana e pei tea waina ega vei tea vuatiana, ma e dum̃ana mari a e p̃alo, po dape namaridawonakiana ni tea suasua sikai, po pei tea mariana e doko natakiusiana ni naatam̃oli maga; go e pei tea vap̃aiana e dapala naatam̃oli sikai ki naleodawonakiana, po dum̃ana doro e pakitano, po pei tea rogo paratiki pa pa paki namateana, namateana ni nakau valadagoto.

nalakena e pei Sup̃e waina e do p̃osiwosi doko mu naga kuga masauna go naga kuga wosiwosi, nalakena namidoakim̃atakiana aneana.

Go nalakena tea wanogoe Sup̃e e mari a e pakilagi p̃arua liu, po dua e nagisa waina e dap̃au sara nagisa; naga sara nap̃atua euga titip̃atua doko nagisa ni Yesu, ni tea maga ni nakoroatelagi go ni tea maga ni maramana go ni tea maga ni etano ni maramana, go naga sara namena euga noasai naga Yesu Kristo e pei Nawota paki nasamasamaana ki Sup̃e Tamana.

Kuga mari naleo maga mamau puti masale ki natauruuruana go navululuana; naga kuga ta pei tea vasadip̃aana mau, go naga kuga ta pei tea mari sa ki mau, ma naga kuga vei Sup̃e natuna maga waina tea sa e dika ara m̃aleoputo ni tagona tagele sikai waina eu do mari lolop̃ota, waina ku pei tea vunusiana m̃aleoputo kakada dapala nasulu maga doko maramana

Nalakena tea wanogoe, tea dodomiana maga, dakiusi waina ku dogo paratiki sara ragi, ega ta dapala ragi waina a sikoti mu asa sikina mau, ma ega warua liu sa ragi waia waina a puoli ki mu asa, kuga to p̃osiwosi ki namautipauri‐mu‐ana pilake namatakuana go narururuana