Popular Bible Verses from MARKO 16

Share

Go e noa ki da, e naga, Kuga vaki maramana mamau, po dogorogo ki narogorogoana wai paki natawonakiana mamau.

Go navaivaiana maga waia euga wo dausi sikoti tea maga waina eu saralomau: pae nagisagu euga wo mari dimon maga euga tave m̃elu pano; euga wo pasa ki namena vau maga; euga wo pua dakati m̃aata maga, go eu pe munu te navatuna ni namateana, ega wo da mari sa ki da mau; euga wo pusake nam̃elearuda maga tea sasana maga, go euga wo moro p̃ia.

Tea waina e saralomau po pei tea bapetisoana ega wo pei tea mautipauriana; ma tea waina e da saralomau mau ega wo pei tea tip̃akotoviana.

Go nara eu dave pano po dogorogo sara tokora, Nawota e do p̃osiwosi sikoti ra, po do lawosoki navasaana pae navaivaiana maga waina eu dausi a. Amen.

Go e noa ki da, e naga, Kuga ta maga p̃arua mau: ku laaga Yesu ni Nasareth, waina e pei tea turiana nakau valadagoto: e po duleana; e da doko nea mau: kuga leo, tokora waina eu doropusi a e one asa!

Go eu sike namatada, po punusi naga vatu e pei tea maluluakiana liliu: nalakena e p̃arua sa. Go eu paki ekopu ni matigo, po punusi natureai sikai e do natano taleva ni matua, e pei tea sugoroana ki sugoro tare sikai; go eu maga p̃arua.