Popular Bible Verses from MARKO 14

Share

Go e naga, Abba, Mama, nigo ku mari atae mari sara naleo; p̃a tape lua lasa munu waia kiagu: ma ega ta pei tea waina kinau a masauna mau, ma ega vei tea waina nigo ku masauna.

Kuga leleo goro po dapasavasa, naga kuga ta paki namaridogoana mau: naatamu e suasua lomau, ma nap̃okasimu e manainai.

Go lomau a noa ki mu, naga Tokora waina narogorogoana wia e pe wo pei tea rogorogokiana asa usuraki maramana mamau, tea waina nagoroi waia e po mari a tea wanogoe ma ega wo pei tea noaana asa naga nae ega vei tea midoakilagatiana asa.

Go e noa ki da, e naga, Naatagu e susue p̃arua pa pa paki namateana: kuga toko nea, po do leleo goro.

Go ragi waina eu do ganikani, e dape bred, go ragi waina e pasa m̃ata ki sua, e dovap̃orae a, po dua ra, po naga, Kuga tape: tea waia e pei nap̃atokogu.

Go e dape lasa munu sikai, go ragi waina e pasadodom̃ata ki sua, e dua ra: go eu mamau puti munu seara kakana. Go e noa ki da, e naga, Tea waia e pei nadagu ni navasasokiana, waina e magi tea laapa pei tea takiana.

Go Yesu e noa ki da, e naga, Kuga wo mamau puti pei tea mariana kuga tapilagona: nalakena e pei tea midiriana, Aga wo atugi tea leo paratiki shiip, go shiip euga wo pei tea taperaverakiana.

Kuga tuleana, tuga vano: kuga leo, tea waina e pitua ki nau e pei m̃aladigi.

Go Yesu e noa ki nia, e naga, Lomau a noa ki‐go, naga nigo masoso, p̃ogi waia, ragi waina toa ega ko da paka rua dare mau, p̃a wo paka tolu pasa goro au.