Popular Bible Verses from MATAIO 16

Share

Ragi wanogoe Yesu e noa ki tea vasapiseikiana aneana maga, e naga, Te naata e pe masauna naga ega edakugoro au umai, ega tum̃ana pasagoro e, go ega tape dakati tea valadagoto aneana, go ega rausi au.

Go kinau ma a noa ki‐go, naga nigo ku pei Petero, go vatu laketoko wanogoe aga wo davagi ekalesia aginau asa; go namatapua maga ni Hades euga wo da marimatua ki nia mau.

Aga wo dua ko tea viloki maga ni namarakiana ni nakoroatelagi: go tea waina p̃a wo solisoki a maramana ega wo pei tea solisokiana nakoroatelagi: go tea waina p̃a wo peresi a maramana ega wo pei tea veresiana nakoroatelagi.

Nalakena naata waina e pe masauna naga ega mauti pauri namauriana aneana ega wo dape puoli ki nia: go naata waina e pe wo dape puoli ki namauriana aneana nalakena kinau ega wo pap̃ai a.

Nalakena naatam̃oli sikai ega wo p̃ia asa nasava waina e pe talua maramana mamau po dape puoli ki naatana? Kite naatam̃oli sikai ega wo pitua ki nasava naga ega taulua naatana asa.

E noa ki da, e naga, Ma nimu ku noa naga kinau a pei sei? Go Simon Petero e pasadara po naga, Nigo ku pei Kristo, Natu ni Sup̃e mauri.

Go Yesu e pasadara po noa ki nia, e naga, Ku maro pa Simon Bar‐Yonah: nalakena nap̃okasi go nada ero da maripakasa ki nia paki‐go mau, ma Tamagu waina e doko nakoroatelagi e mari a.