Popular Bible Verses from PAKI TEA NE EFESO 4

Share

ma kuga vei tea vakale dum̃amu paki mu, tea vei maritadodomi, doko do dum̃amu manimu midoakikorokoro, ega takiusi waina Sup̃e doko Kristo e manimu midoakikorokoro.

ega vilake sara naveip̃op̃ovakitanoana go namatemateana, pilake naveimaritasokiparauana, doko do dum̃amu soki mu doko nadodomiana

Te navasaana sa sikai ega ta m̃elu nawokamu mau, ma tea waina e p̃ia raki natavagiana ni tea waina e dika, naga ega vitua ki nasaup̃iaana paki tea maga waina eu dogo.

Sara nakokonaana, go sara namaritausuana, go sara namaetoana, go sara navasap̃araiana, go sara navasasakiana, euga vei tea toropusiana m̃elu dua ki mu pano, go sara navilosiana

Kuga maeto, po da mari naleo sa mau: elo ega ta musu goro namaritausuana animu mau: go kuga ta pitua ki tokora paki diabolo mau.

naga nimu nalo ni natomariana vea animu, kuga toropusi naatam̃oli tuai, waina e do meso pae namasauana sa maga ni nasurueana; go naga kuga vei tea maripaukiana ki Naatana ni namidodoana animu, po suni naatam̃oli vau, waina e pei tea tawonakiana pae Sup̃e doko namarinaleoleanaana go natautauana ni nalomauana.

doko do m̃arekareka naga kuga vavaigoro naveitea‐sikai‐maau‐ana ni Naatana doko natali ni natam̃ateana.

Go nae e pitua ki te seara eu pei apostolo maga, go te seara eu pei profeta maga, go te seara eu pei tea rogorogo maga ni narogorogoana wia, go te seara eu pei tea leo paratiki maga go tea vasapiseiki maga; raki namarip̃ialuaana ni tea tautau maga, paki nawosiana ni nasuasuaana, paki natavagiana ni nap̃atoko ni Kristo: pa pa tuga mamau puti pa paratiki navei‐tea‐sikai‐maau‐ana ni nasaralomauana, go ni naataem̃atakiana ni Sup̃e Natuna, paki naveinaatam̃oli‐matua‐ana, paki totowo ni navarauana ni navakavuroana ki Kristo

naga tuga ta moro pei pipia maga mau, tea duletuleakiana dapala napeao maga go tea tapetapeana pasara ki sara nalagi ni navasapiseikiana, doko namarisoreana ki naatam̃oli maga, doko namarimanumatuaana, pae namidoakip̃aiana ni namidoakipeleana; ma tuga vei tea mari lomau doko nadodomiana, po do disu atum̃aki lavulavu paki nia nalo ni naleo maga mamau puti, waina e pei nap̃augida, Kristo