Popular Bible Verses from DANIEL 1

Share

Ma Daniel e midoa ki nia nap̃op̃ona naga ega ta dum̃ana mari a ega loa ki navinaga ki nawota mau, go ki waine munuana aneana mau: go e pavara ni nap̃au ni atavau maga naga ega ta dum̃ana mari a ega loa mau.

Go natureai pati wanogoe, Sup̃e e dua ra naataeana go namidoakiataeana nalo ni sara namidiriana go ni sara namanumatuaana: go Daniel e midoakiatae nalo ni sara navunusiana go ni sara nap̃ereana.

Go Sup̃e e mari Daniel e pap̃ai nasaup̃iaana go namaritadodomiana narae ni nap̃au ni atavau maga.

Go sara naleo ni namanumatuaana go ni namidoakiataeana, waina nawota e pusuusu paki da asa, e pap̃ai ra eu paka rualima sikai p̃ia liu tea midiri tapu maga go tea kikita maga mamau puti waina eu doko namarakiana mamau aneana.