Popular Bible Verses from 1 KI YOANE 4

Share

Namatakuana e da doko nadodomiana mau: ma nadodomiana matua e mari namatakuana e m̃elu pano, nalakena namatakuana e peani navaratiana; go tea waina e mataku e ko da matua nadodomiana mau.

Nimu ku pei tea ni Sup̃e, piakirikiri, go ku po mari matua ki da: nalakena tea waina e doko mu e p̃arua liu tea waina e doko maramana.

Nigida tu dodomi, nalakena nae e pea dodomi gida.

Tea dodomiana maga, tuga tum̃agida dodomi gida: nalakena nadodomiana e pei tea ni Sup̃e, go sara naata waina e dodomi e pei tea vesiana m̃elu Sup̃e, go e atae Sup̃e.

Tea waina e da dodomi mau e da atae Sup̃e mau; nalakena Sup̃e e pei nadodomiana.

Tea waia nadodomiana e doko asa, e da pei naga nigida tu dodomi Sup̃e mau, ma e pei naga nae e dodomi gida, po dip̃aki lua Natuna umai e pei natap̃augoroana nalakena namarinaleosaana anigida maga.

Tea dodomiana maga, Sup̃e e pe dodomi gida dapala nogoe, e one gida one naga nigida ma tuga tum̃agida dodomi gida.

Tea waia nadodomiana ki Sup̃e e pakilina pae asa nalo kakagida, naga Sup̃e e dip̃aki lua Natuna Sikedau umai paki maramana, naga tuga mauri pae asa.

Te naata e pe naga, A dodomi Sup̃e, go e pe vilosi taina, e pei tea sorosoro; nalakena tea waina e da dodomi taina mau waina e punusi a, e mari sa dodomi Sup̃e waina e ko da punusi a mau.

Naata waina e noa sai naga Yesu e pei Sup̃e Natuna, Sup̃e e doko asa doko go nae e doko Sup̃e doko.

Go natip̃akiana waia tu peani a, nae e dua gida asa, naga tea waina e dodomi Sup̃e ega moro dodomi taina.

Tea dodomiana maga, kuga ta saralomau sara naatana mau, ma kuga mari dogo naatana maga, eu pe vei tea ni Sup̃e: nalakena profeta sorosoro laapa eu m̃elu paki maramana pano. Tea waia kuga atae Naata ni Sup̃e pae asa: sara naatana waina e noa sai naga Yesu Kristo e umai doko nap̃okasi e pei tea ni Sup̃e

go sara naatana waina e da noa sai Yesu mau e da pei tea ni Sup̃e mau: go tea wanogoe e pei naatana ni tea kokona ki Kristo, waina ku dogo e naga ega wo umai; go ragi waia e doko sua maramana.