Popular Bible Verses from 1 PAKI TEA NI KORINTHO 6

Share

Kite ku da atae naga nap̃atokomu e pei nasum̃a tapu ki Naatana Tapu waina e doko mu, waina ku peani a m̃elu Sup̃e? Go ku da dum̃amu peani mu mau; nalakena ku pei tea vakotoviana ki naulu sikai: nalakena tea wanogoe kuga samasamani Sup̃e doko nap̃atokomu.

Kite ku da atae naga tea marinaleo tagele maga euga wo da peani namarakiana ki Sup̃e mau? Kuga ta pei tea vilasurueana mau: tea maripele maga waina eu pei naputu, go tea lotu ki nasup̃e maga, go tea maripele maga waina eu pitawiri, go tea maga waina eu maripele oli nagoroi, go tea maga waina eu maripele paki tea marioli nagoroi, go tea vanako maga, go tea matam̃agura maga, go tea matamaloku maga, go tea vivisuori maga, go tea tape‐pavakoto maga, euga wo da peani namarakiana ki Sup̃e mau.

Kuga sava dua ki namaripeleana. Sara namarinaleosaana waina naatam̃oli sikai e mari a e pei tea ni etaku ni nap̃atokona; ma tea waina e maripele e mari naleo sa dip̃a nap̃atokona.

Naleo maga mamau puti eu pae nawotaeana paki nau; ma naleo maga mamau puti eu da mari m̃ataki mau. Naleo maga mamau puti eu pae nawotaeana paki nau; ma kinau aga ta pei naviti ni te navatuna mau.

ma Sup̃e e sike Nawota e duleana, go ega wo sike gida tuga wo duleana pae nakasuaana aneana.