Mmipadibetšagagwe a ka se atlege;
yo a ipolelago tšona a ba a di tlogela,
yena Modimo o tla mo gaugela.

Moipoti ke setlaela,
modirakabohlale yena o a lotega.

Yo kgopo o tšhaba go se na yo a mo rakedišago,
moloki yena ke yo bogale bjalo ka tau.

Go lehlogonolo yo a boifago Morena ka mehla;
yo a retelago a sa mmoife yena o tla welwa ke masetlapelo.

Yo a fago badiidi a ka se hloke selo;
yo a sa ba šetšego yena o tla rogwa
ke badiidi ba bantši.

Mosolamotho o feleletša ka go lebogwa
go phala mogegeamotho.

Popular Bible Verses from DIEMA 28

Free Reading Plans and Devotionals related to DIEMA 28