Popular Bible Verses from DIEMA 27

Share

Tshipi e lootšwa ka ye nngwe, motho le yena o betlwa ke batho.

O se kgantšhe tša gosasa, gobane ga o tsebe tše di tlago nalo.

Go kgopišwa ke mogwera wa gago ga go tsotiše; go gokarwa ke lenaba la gago gona go a belaetša.

Bjalo ka ge motho a ipona sefahlego ka meetseng, ka pelong o ipona boyena bja gagwe.

O se ithete, o retwe ke bangwe; o tumišwe ke batho, e sego wena mong.

Go kgala motho serokaphatla go phala go se mo kgale etšwe o mo rata.

Mosadi wa go ngamola ke kgwara bjalo ka meetse a a rothago tlhakeng ya go dutla ge pula e ena.