Popular Bible Verses from BAHEBERU 4

Share

Lentšu la Modimo le a phela, le mafolofolo ebile le bogale go feta tšhoša ya magale a mabedi. Le sega go hlaphola la ba la kgaoganya pelo le moya, la kgaoganya le malokologo le moko. Le fetleka dikakanyo le menagano ya ka pelong.

Ka gona a re batameleng Modimo ka sebete setulong sa gagwe sa bogoši moo a gaugelago batho, gore a re šokele, a re gaugele, a re thuše ge re nyaka thušo.

Moprista wa rena yo Mogolo ga se wa go se re kwele bohloko mafokoding a rena. Ke yo a ilego a lekwa ka tšohle bjalo ka rena, eupša yena a se dire sebe.

Ga go sebopiwa se se širegelago Modimo; tšohle di a mo utologela tša ba pepeneneng. Ke yena yo re swanetšego go ikarabela go yena.

A re kgomareleng tumelo ye re e amogetšego, gobane re na le Moprista yo Mogolo, yena Jesu, Morwa wa Modimo, yo a ilego gonagona kua go lego Modimo.

Ka gona, a re ikokoropeleng go tsena makhutšong ao, gore go se be le yo mongwe yo a palelwago go etša bona ka ge ba be ba sa theeletše Modimo.