Popular Bible Verses from MMOLEDI 3

Share

Dilo ka moka di na le lebaka la tšona, tšohle di na le nako ye di e beetšwego ke Modimo lefaseng.

Go na le nako ya go tswalwa le nako ya go hwa; nako ya go bjala le nako ya go tumola; nako ya go bolaya le nako ya go alafa; nako ya go phušola le nako ya go aga

nako ya go nyama le nako ya go thaba; nako ya go ilela le nako ya go bina; nako ya go lahla maswika le nako ya go a kgoboketša; nako ya go gokarelana le nako ya go se gokarelane

nako ya go kgeila le nako ya go roka; nako ya go homola le nako ya go bolela; nako ya go rata le nako ya go hloya; nako ya ntwa le nako ya boiketlo.

nako ya go nyaka le nako ya go lahlegelwa; nako ya go lota le nako ya go lahla

Ke tseba gore sengwe le sengwe se Modimo a se dirago ke sa go ya go ile. Se ka se oketšwe goba sa fokotšwa. Seo Modimo o se direla gore motho a mmoife.

Ka pelong ka re: “Modimo ke yena a tlago ahlola moloki le yo kgopo, gobane dilo tšohle le mediro yohle di beetšwe ke yena nako.”