Popular Bible Verses from NAMBABA 14

Share

Má sɩ́ La TƖƖNA wɩɩkala vɩa, a sɩ́ nɩalɩŋ sɩ hɛ tintee-la lɛ ma fá, la jaŋ yuo diiba. La TƖƖNA hɛ la teeŋ nɛ, ba bɩra bɩ kʋŋkala kɛnɛ dɩ ba kaa pɔ ba tɩtɩa, má sɩ́ ba fá.”

Ŋ-na La TƖƖNA baanɩŋ bɩ lɩma lɩma ka sii, ŋ kɛŋ chonuŋ arɩ wʋtɩtɩɩ, a joŋ nɩaa wʋbɔŋŋɔɔ arɩ ba wʋcheelee aa chɛba, a bɩ nɩalɩŋ sɩ ŋaa wɩaa chei ka leŋ pɛɩ. Ŋ yie dɔgɩsɛ nyɩmmaba biiriŋ arɩ ba nihee arɩ ba nihi-lɩɛrɛba a tɩŋ ba nyɩmmaba wʋbɔŋŋɔɔ wɩaa.

Dɩ La TƖƖNA tʋɔŋ nɛ tɔrɛ la nyuŋ, ʋ jaŋ kɛnla mʋ tinteeŋ deeŋ sɩ kɛŋ kɩaa woruŋ a joŋu pɩla.

Ama mɩ tɩntɩnna Kalɩb mɛlɛ bɩ ba naga, ʋ kɛŋ ʋ tʋɔŋ kala nɛ aa tomi. Mɩ jaŋ kɛnʋ mʋ tintee-la ʋ sɩ laa sɩpaaŋ mʋ beŋ. Ʋ doho nɩaa jaŋ tɩɩ tintee-la.

Ŋɩɩ wɩaa bʋla pɩba, “Mɩ-na ma TƖƖNA sɩ hɛ nɩmɛ nɛ bʋla, mɩ jaŋ sɛnɛ ŋaa wɩalɩŋ kala ma sɩ pɩɛsaa chɛ.

La TƖƖNA pɩɛsɛ Mosis, “Ɛɛ nɛ nɩaa deemba chɛ dɩ ba vɩamɛ a diene magɛ? Bɛɛ nɛ tɩɩ nɩaa deemba bɩ mɩ laa dii arɩ mɩ sɩ ŋaa wʋkpuŋkperisiŋ arɩ wʋmagɩlaa magɛ ŋɩɩ ba tʋɔŋ?

Ba kala gʋrɩmɛ wɩaa Mosis arɩ Arɔŋ teeŋ, a bʋl, “La fa yaara sʋʋ Ijipiti tinteeŋ lɛ koo tintee-hɩlɩŋ deeŋ lɛ, ʋ nɛ kpɩa.

Ba sɩ ŋaa ŋɩɩ, Nuŋ nanʋala Josua arɩ Jefuni nanʋala Kalɩb tʋɔŋ chei ba kɛŋ ba gɛnnɩŋ kɩɛsɛ. Ba ma fa hɛ nɩalɩŋ Mosis sɩ tɩma ba mʋ beŋ tintee-la tʋɔŋ nɛ. Ŋɩɩ nɛ ba bʋla pɩ Iziral tɩŋŋaa kala, “Tintee-la la sɩ mʋ beŋ chaasa zɔŋ nɛ.

Ama a tɩŋ mɩ-na ma TƖƖNA sɩ sɛnɛ hɛ nɩmɛ, mɩ tʋla bɩ dʋnɩa lee-kala buo, nɩaa deemba sɩ na mɩ tʋla arɩ wʋmagɩla-la kala mɩ sɩ ŋaa Ijipiti tinteeŋ lɛ arɩ wʋmagɩl-la mɩ sɩ ŋaa tintee-hɩlɩŋ lɛ aŋ vɩa mɩ niiŋ wɩaa aŋ magɩsɛmɛ naansɩɩŋ fii ŋ-la, ba kʋbala ma bɩ jaŋ na tintee-la mɩ sɩ hɛ niiŋ arɩ mɩ jaŋ joŋo pɩ ba naabalɩmaba. Nɩalɩŋ sɩ vɩamɛ bɩ jaŋ na tintee-la.