Popular Bible Verses from Matiu 24

Share

Wʋbɔŋŋɔɔ jaŋ pʋrɩgɛ. A tɩŋ ŋɩɩ wɩaa, nɩaa fa sɩ cho nɩaa ŋɩɩ, ba chono-la jaŋ dɛrɛ. Ama nɩɩ-la kala sɩ nyalɩma a mʋ dɛrɛ, Wɩa jaŋ laaʋ ta.

Ba jaŋ laa sɩpaaŋ bʋl Wɩa wʋzɔmɔ-la a tɩgɛ Wɩa kuorii-la lɛ lee-na kala dɩ dʋnɩa nʋʋkala nɩɩ, ka dɩ dʋnɩa dɩdɛrɩŋ-na yi.

Ma jaŋ nɩɩ arɩ laalɩŋ hɛ daha a hɛ dɩ-bolii. Dɩ ma nɛ kʋ nɩɩ ŋɩɩ, má sɩ́ leŋe dɩ ma bɔyɛ joŋ. Wɩaa deemba kala jaŋ ŋaa bal, ama dʋnɩa dɩdɛrɩŋ ha dee ŋɩɩ.

Tinteeŋ nɩaa jaŋ sii a mʋ a yuo tinteeŋ dɔŋɔ nɩaa. Taŋ kuoro arɩ ʋ nɩaa jaŋ sii gire mʋ yuo kuoro dɔŋɔ arɩ ʋ nɩaa. Losuŋ ma jaŋ jʋʋ. Tinteeŋ jaŋ zigili leree yʋgɛ. Hɛɛŋ dɩ-suomuŋ nɛ ŋ-la.

Wɩa nyuŋ arɩ tinteeŋ kala jaŋ lɛl, ama wɩalɩŋ mɩ sɩ bʋla bɩ jaŋ lɛl.

Nɩaa jaŋ yʋgɛ a kɔ a joŋ ba yɩrɩŋ hɛ arɩ ba nɛ ŋaa Kirisito, a nyɩsɛ nɩaa yʋgɛ.

Ba jaŋ kɛsɛma a jomma hɛ nɩaa nɩsɩŋ lɛ dɩ ba dɔgɩsɛma aŋ kpʋ ma dɔnsʋŋ. Tinteyee nɩaa kala jaŋ bɛrɛma a tɩŋ mɩ wɩaa. Bʋa-la lɛ nɩaa jaŋ yʋgɛ a joŋ ba Wɩa laa diiniŋ ta, ba jaŋ joŋ dɔŋɔ yɩyallɛ, a bɛrɛ dɔŋɔ ma. Nɩalɩŋ sɩ nyɩɛ wɩaa arɩ ba ŋaa Wɩa wʋlaabʋllaa jaŋ yʋgɛ a kɔ a nyɩsɛ nɩaa yʋgɛ.

Ŋɩɩ nɛ Yesu bʋla pɩba, “Má kɛŋ ma tɩtɩa woruŋ dɩ nʋʋkala sí ma nyɩsʋ.

Má ma saa ŋaa siri bʋa na-kala, bɛɛ wɩaa mɩ-na Nuhuobiine Bie jaŋ kɔ bʋa-la lɛ ma sɩ bɩ yɩɛla.”

Má saa kɛŋ ma tɩtɩa woruŋ, bɛɛ wɩaa ma bɩ jɩŋ tapʋlɩɩ-la ma Tɩɩna sɩ jaŋ kɔ.

Ama nʋʋkala bɩ jaŋ jɩŋ chɛɛ-la koo bʋa-la lɛ wɩaa deemba sɩ jaŋ ŋaa. Wɩa tɩndaaraa sɩ hɛ Wɩa-jaŋ koo mɩ-na Nuhuobiine Bie ma paala bɩ jaŋ jɩŋ, see mɩ Nyɩmma dʋndʋŋa.

Nɩaa dɔnsʋŋ jaŋ sii fugo bʋl dɩ ba nɛ ŋaa Kirisito, nɩɩ-la Wɩa sɩ lɩɩsa. Dɔnsʋŋ ma jaŋ sii fugo bʋl ba ŋaa Wɩa wʋlaabʋllaa nɛ. Ba jaŋ ŋaa wʋmagɩlaa arɩ wʋkpuŋkperisiŋ kala a chɩchɛ dɩ ba nyɩsɛ nɩalɩŋ Wɩa sɩ lɩɩsa dɩ baa toba, dɩ ba nɛ wuolo.

Bʋa-la lɛ mɩ-na Nuhuobiine Bie sɩ jaŋ mɩɩra kɔ, ʋ jaŋ nagɛ bʋa-la lɛ Nowa fa sɩ hɛ ʋ mɩɩsɩŋ lɛ. Ka dɩ duonuŋ-na nɩɩ a su dʋnɩa, nɩaa faa dii kɩaa nɛ a nyʋnyʋa kɩaa ma, baalaa arɩ haalaa ma jɩjaa dɔŋɔ a mʋ yi tapʋlɩɩ-la Nowa fa sɩ jʋʋ lɩɩŋ daboro-la tʋɔŋ. Ba fa bɩ jɩŋ wɩɩ-la kala sɩɩ ŋaa see bʋa-la lɛ lɩɩ-la sɩ kʋ pɛllɛ paa ba kala, ba sʋʋ. Ŋɩɩ tɩtɩa nɛ jaŋ ŋaa bʋa-la lɛ mɩ-na Nuhuobiine Bie sɩ jaŋ kɔ.