Popular Bible Verses from Matiu 23

Share

Ʋ maga dɩ ma tʋɔŋ kʋhɩaŋ nɛ bɩrɩmɛ hambie a tɩŋ tɩntɩŋŋaa pɩpɩma.

Nɩɩ-la kala sɩɩ bigisi ʋ tɩtɩa lɛ, Wɩa jaŋ kɛnʋ muuri, ka nɩɩ-la ma sɩ kɛŋ ʋ tɩtɩa muuri, Wɩa jaŋ ŋaa dɩ ʋ yʋgɛ.

Wɩɩŋ puu ma Wɩa teniŋ kerichiba arɩ ma Farisii tɩŋŋaa, ma kanfugi tɩmma-la. Dɩ ma nɛ jaa pɩpaarɩ-la ma sɩ yie joŋo hɛ kʋdiilee lɛ ba sʋɔra sɩŋ, ma yie kɛmba kala kaa kpaa leree fii fii a joŋ ba kʋŋkala leriŋ dɔŋɔ a pɩ Wɩa aŋ vɩa dɩ ma to sɩɩfɩaŋ wɩalɩŋ Mosis fa sɩ bile pɩma dɩ ma tuto. Ba nɛ ŋ-la: Má to wʋtɩtɩɩ wombiiŋ a fá nɩaa nenige a laa Wɩa dii. Ʋ maga dɩ ma kpaa ma kɩalɩŋ leree fii fii nɛ a joŋ kʋbala pɩ Wɩa, ama ʋ bɩ maga dɩ ma vɩa wʋtɩtɩɩ wombiiŋ.

Wɩɩŋ puu ma Wɩa teniŋ kerichiba arɩ ma Farisii tɩŋŋaa, ma kanfugi tɩmma-la. Ma yie tiisi ma nyʋnyʋalʋsʋŋ arɩ ma gbansɩŋ harɩŋ woruŋ dɩ ba zɔŋ aŋ bɩ ba tʋɔŋ ka tiisi, ka ba tʋɔŋ kala birisi. Ma nagɛ nyʋnyʋalʋsʋŋ arɩ gbansɩŋ deemba nɛ. Ma yaraa nɛ zɔmɔ, ama ma tʋɔŋ lɛ maa to ma tʋɔtɔrʋŋ lɛ nɛ a gɩgaa nɩaa kɩaa.

Ma Jerusalɛm nɩaa, ma kpʋ Wɩa wʋlaabʋllaa nɛ, a joŋ tabɩaa yagɛ tɩndaara-la Wɩa sɩ tɩma dɩ ba kɔ ma teeŋ. Naansɩɩŋ yʋga nɛ mɩ fa cho dɩ mɩ chu tɔ ma nɩaa kala arɩ jimiŋ sɩ yie chu tɔ ʋ biiriŋ ŋɩɩ, ka ma bɩ sɛyɛ.

Ŋɩɩ tɩtɩa nɛ ma ma nagɛ nɩaa teeŋ. Dɩ ba nɛ nama, ba yie bɩɩnɛ ma ŋaa tʋɔpʋl tɩmma nɛ, ka ma tʋɔŋ su arɩ wʋbɔŋŋɔɔ arɩ kanfugi wʋŋaalaa.