Popular Bible Verses from Matiu 21

Share

Dɩ ma nɛ laa Wɩa dii, kʋŋ na-kala ma sɩ chʋɔlɛ Wɩa a sʋsʋl, ma jaŋ naʋ.”

Ŋɩɩ nɛ Yesu bʋla pɩba, “Wʋtɩtɩɩ nɛ mɩ bʋlaa pɩma, dɩ ma nɛ laa dii a bɩ tʋɔŋ balɩa kɛnɛ, ma ma jaŋ wuo ŋaa wɩɩ-la sɩ ŋaa tutogo-la lɛ. Ŋ-la ma dʋndʋŋa dee, ama ma jaŋ wuo paala bʋl peeliŋ deeŋ lɛ dɩ ʋ sii a mʋ tel mʋgʋ-balɩŋ tʋɔŋ, dɩ ŋɩɩ sɛnɛ ŋaa.

Nɩ-daŋ-la sɩ laa Yesu sɩpaaŋ arɩ nɩalɩŋ sɩɩ to ʋ harɩŋ suomo ŋɩŋaa goŋ a bʋl, “Tabarɩkala Devit nihii! Wɩa jaŋ pɛ nɩɩ-la sɩɩ kɔ La Tɩɩna doluŋ lɛ. Má leŋ dɩ la dɛnnɛ Wɩa.”

Ŋɩɩ nɛ Yesu bʋla pɩba, “Ba ŋmʋnsa Wɩa teniŋ tʋɔŋ arɩ Wɩa sɩ ʋ dɩa jaŋ ŋaa lee-la nɩaa sɩ jaŋ chʋchʋɔlʋ, aŋ ka ma-na mɩɩra kaa bɩrɩmɛ gaarɩ-dɩa.”

Ʋ fa sɩ, “Má bʋla pɩ Zaayɔŋ nɩaa dɩ ba bee na, dɩ ba kuoro nɩɩ kɔ ba teeŋ. Ʋ kɛŋ ʋ tɩtɩa muuri nɛ a jɩl kakumo a sagɛ kaku-pɔrʋŋ nyuŋ.”

Ŋɩɩ nɛ Yesu pɩɛsɛ nɩalɩŋ sɩ nɩɩ namaga-la, “Ma bɩ Wɩa teŋ-la karɩma a mʋ yi lee-la ba sɩ bʋl ŋ-la: ‘Tie-bii-la dɩɩ-saaraa sɩ vɩa, ʋ nɛ mɩɩra kʋ ŋaa tie-bii-duoŋ ba sɩ joŋo bil dɩa gentine. La Tɩɩna Wɩa tɩntɩŋŋaa nɛ ŋɩɩ. Ʋ ŋaala wʋkpuŋkpere nɛ.’ ”

Ŋɩɩ nɛ Yesu bʋla pɩ nɩalɩŋ a bʋl, “Wɩa jaŋ kɛŋ ʋ kuorii-la laa ma teeŋ, a joŋo pɩ nɩalɩŋ sɩ jaŋ to Wɩa niiŋ woruŋ a ŋɩŋaa wɩalɩŋ sɩ jaŋ dagɛ arɩ ba bɩrɩma lɩɩ ba wʋbɔŋŋɔɔ lɛ nɛ.