Popular Bible Verses from MOSIS KƐŊ IZIRAL TƖŊŊAA LƖƖ 7

Share

Ŋɩɩ nɛ La TƖƖNA bʋla pɩ Mosis, “Bee na, mɩ ŋaa ŋ nagɛ mɩ-na Wɩa nɛ Ijipiti tinteeŋ kuoro teeŋ, ka ŋ naambie Arɔŋ ŋaa ŋ wʋlaabʋlla.

Mɩ saa jaŋ leŋ dɩ Ijipiti tinteeŋ kuoro tʋɔŋ pɩrɛ, dɩ mɩ ŋaa wʋmagɩlaa arɩ wʋkpuŋkperisiŋ Ijipiti tinteeŋ lɛ. A tɩŋ Ijipiti tinteeŋ kuoro sɩ bɩ jaŋ jegile nɩɩ ma teeŋ ŋɩɩ, mɩ jaŋ joŋ doluŋ a kɛŋ mɩ nɩaa Iziral tɩŋŋaa a lɩɩ Ijipiti tinteeŋ lɛ.

Ŋɩɩ nɛ Ijipiti tɩŋŋaa jaŋ jɩŋ arɩ mɩ nɛ ŋaa ba TƖƖNA, dɩ mɩ nɛ kɛŋ Iziral tɩŋŋaa lɩɩ ba tinteeŋ lɛ arɩ doluŋ.”

Ŋɩɩ nɛ Ijipiti tinteeŋ kuoro yɩrɛ ʋ jaŋ wʋjɩnnaa, vʋgʋraa arɩ ba chichiribee kala, ba ma ŋaa ŋɩɩ tɩtɩa arɩ ba chichiribiŋ. Ŋɩɩ nɛ ba kʋŋkala joŋ ʋ dantɩga lo ʋ bɩrɩmɛ dɩmɩŋ. Ama Arɔŋ dɩmɩŋ paa ba dɩŋŋaa liŋ.

Wɩɩ-la mɩ-na ma TƖƖNA sɩ bʋla nɛ ŋ-la: Wʋmagɩlɩŋ deeŋ nɛ mɩ jaŋ ŋaa dɩ ŋ jɩŋ arɩ mɩ nɛ nʋʋkala Tɩɩna. Dantɩga deeŋ mɩ sɩ koro mɩ jaŋ joŋo ŋmoo fuo-la ba sɩɩ yɩrɛ Naayɩl lɩɩŋ dɩ ʋ bɩrɩmɛ chalɩŋ.

“Dɩ Ijipiti tinteeŋ kuoro nɛ bʋla arɩ ma ŋaa wʋmagɩl a dagɛ arɩ mɩ-na Wɩa nɛ tɩmma, bʋla pɩ Arɔŋ dɩ ʋ joŋ ʋ dantɩga-la lo Ijipiti tinteeŋ kuoro sɩpaaŋ, ʋ jaŋ bɩrɩmɛ dɩmɩŋ.” Ŋɩɩ nɛ Mosis arɩ Arɔŋ mʋ Ijipiti tinteeŋ kuoro sɩpaaŋ a ŋaa wʋmagɩl-la Wɩa sɩ dagɛba. Arɔŋ joŋ ʋ dantɩga lo Ijipiti tinteeŋ kuoro arɩ ʋ nɩhɩasɩŋ sɩpaaŋ, ʋ bɩrɩmɛ dɩmɩŋ.