Popular Bible Verses from MOSIS KƐŊ IZIRAL TƖŊŊAA LƖƖ 6

Share

Ŋɩɩ wɩaa, bʋla pɩ Iziral tɩŋŋaa: ‘Mɩ nɛ ŋaa Wɩa, ma TƖƖNA, mɩ jaŋ lɩɩsɛma hɛɛ-la ma sɩɩ na Ijipiti tɩŋŋaa nɩsɩŋ lɛ. Mɩ jaŋ laama ta arɩ mɩ doluŋ, dɩ ma bɩra sɩ́ yosi ŋaa. Mɩ jaŋ dɔgɩsɛ Ijipiti tɩŋŋaa.

Mɩ jaŋ jomma dɩ ma ŋaa mɩ nɩaa, ka dɩ mɩ ŋaa ma Wɩa. Ŋɩɩ nɛ ma jaŋ jɩŋ arɩ mɩ nɛ ma Wɩa, ma TƖƖNA, Wɩa-la sɩ laama ta hɛɛ-la ma fa sɩɩ na Ijipiti tɩŋŋaa nɩsɩŋ lɛ.

Mɩ jaŋ kɛmma mʋ tintee-la mɩ sɩ chaasa hɛ niiŋ arɩ mɩ jaŋ joŋo pɩ Abɩraham, Aɩzɩk, arɩ Jekɔb. Mɩ jaŋ joŋo pɩma dɩ ʋ ŋaa ma kʋŋ. Mɩ-na ma TƖƖNA nɛ bʋla.’ ” Ŋɩɩ nɛ Mosis bʋl wɩaa deemba kala La TƖƖNA sɩ bʋla pʋ a pɩ Iziral tɩŋŋaa. Ama ba bɩ jegile nɩɩ, bɛɛ wɩaa ba nandaasɩŋ fa yʋɔra nɛ a tɩŋ hɛɛ-la ba sɩɩ na Ijipiti tɩŋŋaa nɩsɩŋ lɛ.

Ŋɩɩ nɛ La TƖƖNA bʋla pɩ Mosis, “Lɛɛlɛ ŋ jaŋ na wɩɩ-la mɩ sɩ jaŋ ŋaa Ijipiti tinteeŋ kuoro lɛ. Mɩ jaŋ fʋgʋ dɩ ʋ leŋ dɩ mɩ nɩaa mʋ. Mɩ jaŋ fʋgʋ dɩ ʋ kiriba dɩ ba lɩɩ ʋ tinteeŋ lɛ.”