Popular Bible Verses from Romapụ 9

Share

Anịọkụma anị tomoniḅọ ḅi ḅara na anịkanịka iniḅọ mịẹ ye na ḅụ pẹlẹkẹ, ọkụma Tamụnọ Ḅe ḍikiḅụgerere ḅụ kẹngẹ-ẹ.

Anịatịḅị ọ̀ nwọse Moziz ḅe ḅẹmẹ, “À ḍikiḅụgerere nyana pịrị ḅi ḅọ, à ḍikiḅụgerere nyana iniḅọ pịrịḅịa à ḍikitịḅịfoin nyana pịrị ḅi ḅọ, àrị iniḅọ ḍikitịḅịfoinḅịa.”

Ọkụma ị́rị́ tụḅọ, tomoniḅọ, se Tamụnọ Ḅe ḅịpị nwọ pẹkẹrẹ ḅe? Aḅaịn ḅẹlẹ ineda anị tẹmẹḅọ ḅe gbela ẹkẹ, “Nde ị́ gose nwọse ị̀ tẹmẹ ye?”

Anịẹrẹchị Tamụnọ Ḅe ò ḍikiḅụgerere nyana ori ọkọ ḅiḅọ nwọ pịrịmẹ, pịkị ori ọkọ ḅikaḅọ, mịẹse iniḅọ ininachịnmẹ.

Anịḅe kuluma ḅẹlẹ ma tẹmẹḅọ ḅe ọ̀ kụrọ nyanamẹ aḅaịn mị seni ò ḅi ḅara nwọ mịẹ, gbọrị aḅaịn oḅolo mị nwọ seni mama ḅẹlẹ tẹmẹ, gbọrịye tẹmẹ se osi nyana fịrị nwọ pịrị, se ísíye mị tẹmẹ se ọrịfịrị ọrịfịrị nwọ pịrị.