Popular Bible Verses from Romapụ 8

Share

Wa nemimẹ na Tamụnọ Ḅe ye mamgba se iḅi fịrịnwẹngị ọ̀ ḅẹlẹma apụma pịrịpịrịmẹ, ori ọ̀ tọn ḅara ḅụ chịn ọkịsa apụma.

Anịatịḅị à nemi kpaịnmamẹ na ineda wa pusikimaḅịaye ofori-ẹ Oria ḅẹlẹma ḅụ: fị anịkanịka ḍumo, enjẹlapụ anịkanịka soḅie sime jịn ḅẹrẹtọn apụ, anịkanịka mịn sịkị ḅe kụrọ-aye, anịkanịka ḅoḅịa sịkị mị ḅe-aye sọnị; ọgọnọju sime tomonikiri mị sọnị, pịkị chukuju sime tomonikiri mị sọnị, tẹmẹayema ḅie mgba ineda Tamụnọ Ḅe ḅẹlẹma ḅụ wa pusikimaḅịaye ofori-ẹ, Kraịst Jizọs, wa Nyanaḅọ Ḅe ḅụ ḅọrọ sime wa pịrị ḅẹlẹma mị.

Anị gbọrị ḅara mị ḅụ Tẹmẹ Ḅe ḅomẹ ḅarachụa wa pịrịḅịa ẹrẹchị, mịna ḅụ ịnyọ oforikaye gose. Anịatịḅị wa tẹkẹ na gbẹịn ḅara wa nwọ nemikẹ. Tẹmẹ Ḅe na mịnaḅụ na mine gose Tamụnọ Ḅe na ọkwẹịnmaḅẹ, ọkwẹịn ineda ḍuko ẹka ḅara ḅụ ḅiedeaḅẹ.

Maye mamgba ḅụ, cheye wa ineda nwọ ḍuko ḅe? Tamụnọ Ḅe nemikase mịna ḅụ simemẹ ḅẹ ọkụma, tụḅọ ineda mine na ye mịẹ ḅe?

Ḅaa ḅẹrẹsi ḅarị mịọkụ sime Kraịst Jizọs Ḅe na gbọrị ḅụ sime ḍumo kọn-arị apụma pịrịkẹ.

Ojumịnị mị ḅẹrẹtọn nweniḅọ pịrị mị anị fị ọkịḅoḅomẹ; Tẹmẹ Ḅe ḅẹrẹtọn nweniḅọ pịrị mị anị ḍumo na deinma na ọkịḅoḅomẹ.

Ẹn-ẹn, mayema ḅie mgba wa karasa ọmụḅaraiḅi nwọ nyana waraḅẹ wa ḅẹlẹma ḅọ ḅe ḅụ!

À koromamẹ na wa mịọkụ ọrịarị tọrụsiọrị mị se ini ḍieḅelema se wa pịrịḅịa boma mị na otomaḅịa ọkụ ngịsị ofori-ẹ.

Tụḅọ, anịọkụma, Kraịst Ḅe ḅẹlẹma ḅụ wa pusikima ḅe? Ḅụfụka ineda anị mịẹ ḅe, anịkanịka ḅụkụrọ, anịkanịka tọrụsiọrị, anịkanịka fịyepụkọtarị, anịkanịka igwein, anịkanịka ye se nweni lamaḅịaye, anịkanịka fị?

Se Tamụnọ Ḅe, tomoni-a kuḅiemgbọlụma ọrị ḅọ ḅe, Tẹmẹ Ḅe koromarịye nemimẹ; anịatịḅị Tẹmẹ Ḅe mine gose Tamụnọ Ḅe na ọkwẹịnmaḅẹ na mine Tamụnọ-a tomoni-ẹ nwọ ḅẹye gose, ọ̀ pịkị ḅi ḅara mị ḅụ.

Tamụnọ Tẹmẹ Ḅe ateli se ḍiearị apụma, ini Tamụnọ owuapụ awọ-ẹ.

Tomoni simeḅara mị ḍuko ini pịrị ḍumo ḅara nwọ kọn-arị apụma, inia kuḅie ma se tomoni simeḅara mị tọn ini pịrị ḅara nwọ mịẹmẹ. Tẹmẹ Ḅe ḍuko ini pịrị ḅara nwọse ḍumo kọn-arị apụma inia kuḅie ma Tẹmẹ Ḅe tọn ini pịrịye ma mịẹmẹ.

Ori oria Tọkụ Ḅe pembe sọnị nwọse ọ̀ ḅụ wẹrịma ka se ò seni nweni mgba pịrị sịkị! Ori oria Tọkụ Ḅe nwọse wa pịrịmẹ anịọkụma ò ḅereni se ye mamgba se papa wa pịrị ẹka?

Tamụnọ Tẹmẹ Ḅe ọ̀ ḅụ se mịna tẹmẹ ma na gboloma se ḍukopakụmamẹ na mine Tamụnọ awọ-ẹ. Mine oria awọ-ẹ nwọ ḅẹ sịkị, wa ò se koroma oria tomonima pịrị ḅẹlẹma ma nwọ nyana ọkịḅịa, se pịkị Kraịst Ḅe na Tamụnọ Ḅe se kụrọma ọ́ pịrị ḅẹlẹma mị nyana ọkịḅịa, anịatịḅị wa nemikase Kraịst Ḅe ọrị tọrụsiọrị ma nwọ ḍiaọkịmẹ ḅẹḅẹ, wa pịkịna oria boma mị sọ nwọ ḍiaọkịḅịa.

Anịgose tomoniḅọ ḅe ḅo Tamụnọ Ḅe na tarakaḅọ nwọ sọmẹ ojumịnị mị ḅẹrẹtọn ọ̀ pịrịarị sịkị, anịatịḅị ori ineda Tamụnọ oloko mị ḍukoye mịẹkẹ, ọ̀ pịkị kọkọma ineda anị ḍukoye mịẹ ẹkẹ.

Tẹmẹaye mamgba opuma kuḅie chịẹ tarịka ḅụ koruaḅẹ Tamụnọ Ḅe oria owuapụ awọma nwọ ḍieḅelemaḅịa sịkị.

Anịatịḅị wa nemimẹ na ọkịḅo mị sịkị mị la, bebe tẹmẹaye mamgba yiḅịa ẹrẹchị jikearị eremeniḅọ, ḅụọyị ḅụ ḅiede ọkụ nwọse ḅiedeaḅẹ.