Popular Bible Verses from Mak 1

Share

Anị ḍukoma ene mị ḅe dede funfun ḅie, enema ḅa soka simeogbo, Jizọs Ḅe sịsẹ seni warị mị koroma pakamẹ. Ori ama mị ḅie pakaso gbọịn nyọ nwọ mun mẹ, se anịnyọ sime tẹkẹmẹ.

Se Ọ̀ nwọ ḅẹmẹ, “Sịkị mị anị ḅo sam, Tamụnọ Amanyanakiri mị pịkị kpekisam! Ómine ọ́mịna sima ḅụ vinpịkị se Iḅi Ḅẹrẹ mị ḅereni!”

Jizọs Ḅe mengi mị ḅie pakaḅo kirikiri, so mị finji ọkụ Ọ̀ nwọ ọrịmẹ, se Tẹmẹ Ḅe okuku ḅara se koro Ọ̀ damaḅomẹ. Se pụkọ soḅie wẹrị ḅo se nwọ ḅẹmẹ, “Ị́rị́ anị ị̀ ḅụ yela Tọkụ Ḅe-ẹ. Àrị iḅiọkụ ị́ ḍikiḅieḅẹlẹmẹ.”

Mengi mị à se ọ́ sararịye-ẹ, ọkụma Ori Fịafịa Tẹmẹ Ḅe mị Ò se mengi se ọ́ saraḅịaye-ẹ.”

Jizọs Ḅe nwọse ini ḅẹmẹ, “Ómine ị̀ ḍuko ḅo, se à tomoni inji kun ọkụ se ó ḍieḅịa.” Anịkirikiri, ini inia ịgbọma wẹrịso se Ò ḍuko mun mẹ.

Oria yeḍie ḅara mị naa apụma anị inia ḅụgbiripumamẹ, anịatịḅị Oloko ḍieapụma simeọkụ Ọ̀ nwọ simekẹ; anịnakaraka, kụrọ nyanaḅọ ḅara Ọ̀ nwọse yeḍiemẹ.