Popular Bible Verses from Ụhịrẹyị 22

Share

Pa ozi tụ oze ana vọrọ, ọ̀ọ sị vịra ọ yị vaa ha hụụnị anị.

Ọza ene hí angwa Ẹnẹyịmavara dị ọ ka ẹngụ chi, ọọ̄ ka hịrẹ, dị ọ mẹ ka o zee yọ, di oku orubo.

Ọza ọ̀ọ nyị ịrẹha ozoza ọ mẹ hụụnị ogu nị. Ọza ọ̀ọ sị ụbanyị yị ọza o hụụnị ẹkẹhị nị.

Asị ẹwụrị ọnọyịkụ nịnị zị ògù. Asị ẹwụrị anayọkatẹngụ nịnị za ọta.

Ọza anaā mẹ ẹyịza vị ọnị oō ze yị agụvị ka a sị ịsa yị onosiye nịnị.

Ọza ana yẹ ịrẹyị oo re ezigi dị ọ yẹ̀ yị ọ, ama ọnụra vị ana na gẹrị ọ dị ọ vaa sị ụmayịyẹ.

Ọnyẹkẹhị aa mẹ ọda tụra onosiye ịrẹsụ, avọọ ọnụta mẹ ya ahụ ọza ana a sị ẹkẹhị rere e ni.

Ọnyẹkẹhị ọnịrị onosiye vị ọnyọọnya. Ẹnẹyịmavara ọ tụ wa vẹ ẹhẹ nị.

Asị ụ mẹ onosiye rị agụvị ka we huna a. Dị asị ụ rẹ mẹ ẹvaya yị ọkụmị ọvịdị ikootu. Ẹnẹyịmavara vaa jẹẹ yị wa, ịsị aza ẹ̀ẹ kụ tu wa ọnị rẹ vaa kụ tu ẹnị nị.