Popular Bible Verses from Anihwiripi 2

Share

Asị a nyị ọza ana sị ụhị ọyị kụ̀ mẹ ịsọnyị-ịsọnyị. Asị ụ rẹ mẹ̀ ịsa agụvị di u we zụ sii wo oto nịnị. Ọzọza ọ̀ kà ẹngụ anị chi, asị aza ẹnyị ro o ka ọnị óo huna ọsa. Asị ọzọza rè sì ọyịza yị ẹngụ anị kẹnẹ, ama wee sì ọyịzaa yị ẹngụ nịnị.

Ẹngụ ayị oni Ijeesu nyị avọọ, a vọrọ ka ẹwụ nịnị ọ̀ rẹ nyị nị

Ikirisiti vị ana yà anka Ohomorihi avọọ, ama ẹ yị sị ahụ kà aba ka ọnịrị Ohomorihi ọ̀ọ mẹ ọpa. Ọnị ụvọta ộ sị ẹngụ anị ka ẹ yị nyị ịsị ọnị vị, ị ọ vara ẹngụ anị ozi ahụ nị. Ộ vara ẹngụ anị anka ọza rị ẹyịrẹsụ, dị ọ ra ịnị ẹhẹ anka ọza nị. Ộ kà ẹngụ anị chi, dị ọ hyakụ zẹẹ ka à wụ́ ọnị, dị ahịka vị a hyakụ kanyị ọ za ọchị apavahị nị.

agụvị ka Ohomorihi aa mẹ̀ ụkọrọ ịnị ayị awụ nịnị nị, ọnị ọ vị ka aa mẹ ka wee sì ka wa mẹ̀ ịsa ene zée eyi nịnị, dị ụ wa rẹẹ mẹẹ nịnị.

Agụvị avọọ di Ohomorihi kụkụ sị ọ tụ́ ẹba ẹtẹẹtẹrẹ nị; dị ọ rẹ sị ịrẹha ene huna avaba ịrẹha yọ nị. Avaba ịsa ene hi ẹbẹẹba ọnịrị ẹhẹ beri ini eku, ẹ̀ẹ wụ́ ịrẹha Ijeesu, e vee kú ẹtẹẹ yọ. Avaba ẹnịnị rẹ vaa sị irenu ẹnịnịị kà a ka Ijeesu Ikirisiti ọ vị Ananyị yị nị. Ọnọọ rẹ vaa sị igirima yị Ohomorihi ana vị Ada anị.

Ịsa tụra ịsa ọnị ụ wàa mẹ, asị ụ rị ihuhu, asị ụ rẹ nyị ahankata tụ́ ọ nịnị. Wa vavọọ mẹ agụvị asị ụ na nyị ohuvọ, dị ụ wa zụ nị nịnị. Ọnọọ ọ vaa mẹ ka wa zụ vị ezi Ohomorihi ẹnẹ ẹ̀ yị nyị ịsa odivi nị. Ụ mẹ̀ yà ịnị akakana anẹhẹ edivi ana ayị ẹnịnị ẹ̀ yị vọrọ aanị, áa vọrọ ka wa vị ẹtohweyi yị wa tụ́ ịnị ẹhẹ nịnị.

Ẹwụ nịnị anda ayị, anka ụ mẹ̀ yịị wụ́ ịrẹyị amị, m mẹ̀ yà ịdị awụ nịnị, wa vavọọ yịị wụ́ ịrẹyị amịị hu avọọ nịnị, m mẹ̀ yị mẹ daka kụkụ yà ịdị awụ nịnị aanị. Sị angwahi Ohomorihi beri ẹgahị, wa sịị mẹ̀ ụkọrọ ana vaa mẹ ka wa há nịnị