Popular Bible Verses from Anihwiripi 1

Share

Máa yẹ kaakara ka Ohomorihi ana maanị nyima aa mẹ̀ ịsa ozoza ọnọnị nịnị ayị awụ nịnị vaa mẹẹ nee tù ịrẹsụ pooro ne tù ẹkụhị ọnị Ijeesu Ikirisiti vaa sị vaa vẹ.

Aduwa ọnị maa mẹẹ wụ nịnị yị: Ohomorihi ọ̀ navọ wee sì ịrẹyị ẹngụụ hu avọọ nịnị pooro. Dị ụ wa rẹẹ nyị ịrẹyọyẹẹ hu avọọ nịnị, dị ụ wa zụ yẹ ịsa ozoza ọnịrị ene è yi zoza nịnị. Ịjọnọọ ụ va zụụ sị ụvọọ tụ́ ịnị ịsa ene zoza ẹtẹẹtẹrẹ nịnị. Wàa vavọọ aa mẹ nịnị, ịhị Ijeesu Ikirisiti ọ̀ọ vavẹ, ụ va zụụ yà nịnị anka ọza ana ayị anị nị, dị ọ̀ yị rị ịvị

Àa vị ẹmị yọ, màa yára, dị mè yị nyị Ikirisiti nị, ẹ yị nyị ka maa mẹ̀ ẹhẹ. Màa va nyị Ikirisiti, di mi sú nị, ọgụ ọ vị mị nị.

Ụmẹ tụra ụmẹ oni mèe si ro ịrẹyị awụ nịnị, mịị̄ kụ́ Ohomorihi amị avọ agụvị awụ nịnị nị.

Ịsị ẹ vị ịrẹyị obooro ọ vị ka ebira awụ nịnị ọ̀ yà anka ọ mẹ vọrọ tụra ọza ana dọ enube ọyịza wụ́. Me ve hee wu nịnị oo, mẹ yị vẹ oo, mee sì ka ma wụ́ ka wáa sị ayị ọnya jẹẹ geri-geri nịnị, di u we duduu sị ọnyaa dụ ịrẹyị enube ọyịza ọnị ụ dọ wụ́ nịnị.

Ịsị mee sìi hu keekere di mi re si eyi tụ́, ọ vị ka asị ụhị nyị mị ini oze ọnyọọnyị nị. Ama mee sì ka ma nyị ọtụtụrụma ịnị avaba ụmẹ ọnịrị ọyaanị bẹẹ. Mee sì ka ma nyẹngụ sị avaba ayị amị sị ụbanyị yị Ikirisiti, màa daka sú, màa yára.

Ohomorihi ộ sị oze wụ nịnị ka wa sị ayị tụra Ikirisiti nịnị. Ẹ yị vị ọnọọ kẹnẹ, ama ọ rẹ mẹ ka we re oze rị ụya nịnị agụvị anị nịnị.