Popular Bible Verses from Ijeremaya 37

Share

Ộ dàku-dàku, dị ohinọyị Ịzẹdẹkaya tụ ka à sị ọnị ve tu ọnị ịnị irehi ohinọyị nị. Ọnị ô tu ịzọọ dị ohinọyị were họ̀ ọnị usirẹyị ka, aa nyị Ẹnẹyịmavara mẹ kà kẹ? Dị ọnị tụ́ ohi ka, aa nyị de, Ẹnẹyịmavara kà vị a vaa sị o chire ohinọyị Ịbabịrọnị ụvọ nị.

Ijeremaya ka ịjị ọdọvịdị ẹnẹnị re ọnị kẹnẹ, di ayị ẹnịnị aa da ọva hụtụ-hụtụ nị. Dị ẹnịnị ka è tụ́ ọnị, dị é gu oze hi ọnị tụ ịnị irehi ọnọrụ ana aā hi Ijonatani nị. Ijonatani ọnọnị ọọ chẹrẹ ịsa yị ikootu ẹnịnị nị. Dị a hi ka irehi anị a kụkụ sị mẹ ẹngwa nị.

Ama ohinọyị Ịzẹdẹkaya ọnọnị ọnịrị ezi ahụ anị beri avaba aza ana ra ịnị ẹtẹ Ijuda ẹ́ yị saasa ịrẹyị Ẹnẹyịmavara ọnị Ijeremaya ana vị ọnịsẹ aa kà a yị wa.

Ẹnẹyịmavara kà ọnị aa kà a yị wa ka, asị e vene ẹngụ ẹnịnị dị ee rò o ka Anibabironi ẹ yị ma vana vavẹ, ẹnịnị vaa vaavẹ o.