Popular Bible Verses from Ijeremaya 23

Share

Ọ kà áá nyị ọza ana zụ tẹ aha ewere ọnyọọnyị ka asị ọnị ré ọnị? Ọ kà áá nyị ịzị ọnị ẹ̀ yị yà ẹbẹẹba ọnịrị ịnị ẹhẹ ọnọnị kẹ?

Ẹnẹyịmavara kà, ụmẹ aa vẹ ọnị ọnị vaa nyị ozi Idevidi ọnya ana vị ọnịrẹyịzẹyịza ka ọ̀ vị ohinọyị. Ọ vaa sị ịzẹyịza mẹ ohinọyị, dị aa mẹ̀ ịsa ana vọrọ ọnịrị ịzẹyịza ịnị avaba ẹtẹ anị. Ịjị ọọ raa rị ohinọyị, ẹngụ anị Ijuda nịnị vee hi ahị, dị Anisirẹrị nịnị nyị ẹngwọọrọ. Ịrẹha anị ọ vaa rị Ẹnẹyịmavara ọ vị Amẹtẹrẹ Ayị nị.

Ẹnẹyịmavara kà, oseratẹmẹ nịnị ana a wụ̀ aza anịị ha, dị ẹyaa gara wa aanị, ẹ sị da.

Ọ kà ọnị aa vaa kụ aza anịị gụ hụrị avaba ẹkụra ọnị ọnị dụ wa ne hi, dị ọnị kụ wa vavẹ eehi ẹnịnị. Ẹnịnị vaa mẹ ozi ọrụrụ-ọrụrụ, dị ẹyaa rụrụ hu avọọ. Ọnị vaa nyị ohinọyịị yị wa ana vaa tẹsị ẹnịnị. Aza anị ẹ yị kụkụ vee hí angwa, ayị ẹ yị kụkụ vaa hụrẹ wa ịnẹ. Ọ kà ọnị ẹ yị kụkụ vaa sị ụyaa rị wa.

Ẹnẹyịmavara Ochẹtẹẹngụ ộ kà a yị Anijerusarẹmị nịnị ka, Asị ẹ wụ́ ịrẹyị ọnị ọnịsẹ ẹnẹnị aa kà o; ịrẹyị ireche ẹyaa mẹ ka waa tụra eyi nịnị nị. Ọ kà, ịrẹyị ọnị ọnịsẹ ẹnẹnị rò tụ ịnị ayị ẹnịnị ẹyaa kà a yị wụ nịnị nị, ẹ yị vị ịsị ọnị kà yị wa.