Popular Bible Verses from Ijemiisi 3

Share

Ama ịrẹyọyẹ ana hụụ ịdị Ohomorihi vẹ, vị ọnịnị, ọ́ọ mẹ ka ọza ọ̀ nyị ayị ohunẹnẹ; ọọ̄ nyị ebira hẹẹ, oō ree batọ ịrẹyị ọza ẹnẹsa, ọọ̄ rẹẹ vayị ọza ẹtẹẹtẹrẹ. Ebira ozoza ọọ̄ mẹ̀ pooro nị, ọ mā nyị ọza remeyi, oō mee re vene ọza.

Àa nyị ọza ana ka ọnị ọ́ọ yẹ ịrẹyị, ene eyi anị hweyi ịnị ẹngụ awụ nịnị, ọza ọnọọ ọ̀ mẹ̀ ebira ozoza, dị ọ̀ rẹ ká ịrẹsụ hi. Ịrẹsụ ọkahi ọnọọ ọ vaa sị zụ̀ ka ọ́ọ yẹ ịrẹyị nị.

Ọza eneē sì ẹngwọọrọ gụ aza ẹnẹsa ụvọ ka ẹnị ẹ̀ rẹ nyị ẹngwọọrọ. O vee re ka ịzẹyịza ọ vị ọdịrẹma ịsa ẹnẹ ẹyaa mẹ nị.

Ịzị aza ẹ̀ẹ yà aa kụ̀ ụhị, dị ahịka ẹngụ ẹnịnị kẹnẹ e re sì ọyịza yị nị, ezigi ọnịrị ịsa edivi ẹ mā ta hụụ ịzọọ.

Ịrarẹ ị sịị̄ ga Ohomorihi Ananyị yị ana vị Ada ayị nị. Ọnị ị rẹ sịị̄ tụ́ ozirenuu hi aza ọnị Ohomorihi mẹ véné ẹngụ anị nị. Irenu ana aa sị ga Ohomorihi, ọnị a rẹẹ̄ sị tụ́ ozirenuu hi ọza nị. Ẹwụ nịnị ẹyịnyara amị, áá vọrọ ka ọ̀ vavọọ yà?

Ịrarẹ vị ana sị mẹẹ anka ịra avọọ. Avaba ịsa edivi ene hi ịnị ẹhẹ ọnọnị hi ịnị ịrarẹ ọza, dị ẹ na ngụ ịnị ẹngụ ọza, dị e du ọ. Ọ nyẹngụ jị ịra tụ́ ịnị avaba ẹhẹ ọza saka-saka. Ini eku ịra gẹdẹ-gẹdẹ ụ́kata ịra ọnọọ yà nị.

Ama ẹ́ yị nyị ọza ana nyẹngụ sị ụvọ za ịrarẹ tịtẹ hẹẹ. Ọ mā tịtẹ hẹẹ, ịsa odivi ọ vị nị, ẹchịpa anị ọ zụ wụ̀ ọza.

Ẹwụ nịnị ẹyịnyara amị, ẹ́ yị vọrọ ka avaba awụ nịnị òo sì ka wa vị ọzwọzịsa nịnị oo! Wáa yẹ nịnị ka ẹyị ọzwọzịsa ọkarẹyị anị vee divii hu nị.