Popular Bible Verses from Ijemiisi 2

Share

Avọọ gẹdẹ-gẹdẹ ọ mẹ̀ rẹ yà nị; ọza ọ̀ọ ka ọnị ọ́ọ sị ayị tụra Ohomorihi, dị ẹ̀ yị sị vị ebira mẹ nị, ẹngụ ẹdọwụ ẹnẹẹ vị oku oyisu.

Wâ yẹ nịnị ka, ẹ̀ yị kụkụ nyị ụhwẹ ịnị ẹngụ ọza, vị ọza ọnọọ sú avọọ nị. Avọọ gẹdẹ-gẹdẹ ọza ọ̀ọ ka ọnị ọ́ọ sị ayị tụra Ohomorihi kẹnẹ, dị ọ̀ yị sị vị ebira mẹ nị, vị ẹdọwụ anị sị mẹẹ anka oku ene sú avọọ nị.

Ẹwụ nịnị ẹyịnyara amị, ọza ọ̀ọ ka ọnị ọ́ọ sị ayị tụra Ohomorihi, dị ọ̀ yị sị vị ebira mẹ nị, ọgụ ịsị ẹ yà ịnị anị? Wéé ro ka Ohomorihi vaa dọ ọ há agụvị ka ộ sị ayị tụra Ohomorihi kẹnẹ?

Wâ dọ wụ́ ka Ohomorihi vị ọnya, óo zoza. Ama ụhwẹ echu nịnị ẹnị ẹ rẹ vavọọ dọ bẹẹ, dị ẹ hyakụ hụ agụvị avọọ aa da ẹgahị papapa, e mee hí angwa.

Aza ẹnyị ẹ zụ nyị ahankata ka: Ọza ịnya ộ dọ Ohomorihi wụ́ kẹnẹ, dị ọsa ọnị aa mẹ̀ ịsa ana vọrọ nị. Ohi amị ọ vị ka: Ọ́za mẹmẹ nyẹngụ dọ Ohomorihi wụ́ kẹnẹ dị ẹ yị sị vị ebira mẹ? Ẹma nyẹngụ sị zụ wụ ka maa sị ayị tụra Ohomorihi ini oze ebira ọnị maa mẹ̀.

Ọza ẹnẹ ẹ̀ yị mā vayị ọza, Ohomorihi ọnị ọ yị rẹ vaa vayị anị, ịhị àaa mẹ̀ ọkarẹyị yọ. Ọza anaā vayị ọza, vee re ka ayamva Ohomorihi ọ vaa mẹ ka asị ọnị rị ịvị, ịhị Ohomorihi àaa mẹ̀ ọkarẹyị nị.

Wée re nịnị ka ịsa ọnị ọza mẹ, Óhomorihi sịị̄ jị ịhị yọ nị, ẹ́ yị vị agụvị ẹdọwụ anị kẹnẹ.

Wee re ka Ábụrahamị mẹ̀ sị ayị tụra Ohomorihi, ọ rẹ sị vị ebira mẹ?