Popular Bible Verses from Ayịsaya 40

Share

Ọnị ọọ̄ sị ụkata yị ọkụmị ọnịrị ọza ọnị ọ sị ngụ ẹngụ.

Ọọ̄ ngụ ọpa ozweyi ẹngụ, ọọ̄ ha wa, dị ẹ hyakụ aa vanga hyẹdụ. Ama aza ana sị ayị tụra Ẹnẹyịmavara vị ọnị ụkata ẹnịnị vaa hịrẹ ụna hu avọọ. E ve hira nọ ẹba anka ọkasịmẹ avọọ nị. Ẹnịnị èe zwe echi, ọ yị vaa ha wa; Ẹ vaa zị ụsẹ, ẹ yị vaa tụ wa.

Aanịka wẹ́ẹ́ yị yẹ? Wẹ́ẹ́ yị wụ̀? Ẹnẹyịmavara ọ vị Ohomorihi ana yara pooro nị. Ọnị ọ tụ ẹhẹ vẹ nị. Ọ yị mā ngụ ọ ẹngụ, ọ yị mā ha a. Ẹ yị nyị ọza ana yẹ ịsị vị aro anị.

 nyị ọza ịnya ana vaa yà ịnị ụnọmị ana aa nọ̀ọ ka: “Tenyi oze Ẹnẹyịmavara tịtẹ yọ nịnị! Tenyi oze anị, dị ọ̀ vọrọ ẹtẹẹtẹrẹ!

Ịzẹyịza, avị ẹnẹ ẹ̀ yị mā jẹẹ dị è sú, di ododo anị wọ̀rọ̀ va ha. Ama àa vị ịrẹyị Ohomorihi ayịị ịzọọ pooro zịna-zịna.

Ẹnẹyịmavara vaa sị ụbanyị anị zụ, dị avaba anẹhẹ re. Ẹnẹyịmavara ụvọta anị o wo oto ịsa ọnọnị nị.”

È hí avaba inozi; di è re chì avaba ataba nịnị! E chí avaba otutu, Oze ana àa rara, à vọrọọ; oze ana àa rẹ yà boga-boga, dị à swaa!

Ọ vaa sị eyi pe atẹmẹ anị anka oseratẹmẹ avọọ. Ọ vaa kụ ezi atẹmẹ anị gụ vabẹ dị ọ kụ wa rị ụvọ; dị ọ tangwa aa zụ ọnyị ẹnịnị oze nị.

Re ẹbẹẹba di u wee re! Ẹnẹ mẹ ụzọmị ọnị wee re? Ẹnẹyịmavara ana kụ wa tụ ẹhẹ anka ọkọnị isoja, ọ̀ yẹ ịrịka ẹnịnị vị, dị ọọ̄ sị ịrẹha ọzọza hị́ wa nị. Agụvị ụkata ọdẹngụ anị ene e si sere wa, ẹ yị nyị ene vu ịnị ẹnịnị.

Ohomorihi ana mẹ̀ ẹhẹ ộ yaatẹ ịrẹsụ ude ohinọyị anị ẹbẹẹba ẹteesu ọnịrị eguhi. Ẹyị aza ana ya ịrẹsụ ẹtẹ vi ene weyi anka ihine avọọ. Ọnị ọ́ gana eguhi anka ịta anaā sịị jị oze avọọ nị. Ọ gana a anka ajẹngụ ana aā ra ịnị anị avọọ nị.

Sị ụmẹnụmẹnẹ kà ịrẹyị yị Anijerusarẹmị. Kà yị wa ka ẹkụhị ayodu ẹnịnị ọ sị parahu, Ẹnẹyịmavara kà ọnị ọ raà vagu wa ịnị ịvị ẹnịnị. Ẹnịnị ẹ raà rị ụya ana ngụ ajẹ agụvị ebira odivi ẹnịnị.”

Ọngwẹ ọnya kà nowu tụ́, dị Ayịsaya họ̀ ka enube ịsị ọnị vaa ka kẹ? Ọ kà Ayịsaya ọ̀ kà a a ka, avaba aza vị ana sị mẹẹ anka avị ẹnẹ ẹ̀ yị mā jẹẹ dị è sú. Uzoza ọza vị ana sị mẹẹ anka ododo avị ẹnẹ ẹ̀ yị mā jẹẹ dị ẹ̀ wọ̀rọ̀ va ha. Avị ọ̀ọ sị wụ̀, di ododo anị za. Ịjị Ẹnẹyịmavara ọ̀ọ tụ́ ahị, dị ẹ wọrọ va ha. Avọọ gẹdẹ-gẹdẹ aza mẹ ya nị.

Ẹnẹyịmavara Ochẹtẹẹngụ a vaa sị ụkata mẹ ịjọva tụra wa ịrẹsụ. Re, ọgụ ana a sị yị ọzọza yarị ọ. Utosi anị vị ana ya ọvịdị anị.

Ohomorihi awụ kà: “Sị ayị aza anị nẹtẹ, sị ayị aza anị nẹtẹ.

Áá nyị ọza ana nyẹngụ sị ụvọta anị mọ̄ enyi ini òkū dị ọ yẹ ọ mẹmẹ rụrụ a vị dị ọ sị ụvọ mọ̄ eguhi dị ọ yẹ ọ mẹmẹ gana? Áá nyị ọza ana nyẹngụ sị aku za èzi ene hi ịrẹsụ ẹtẹ a vị dị ọza ọ ịngọ ngọ ataba ọnịrị otutu nini dị ọ yẹ ẹ mẹmẹ rata? Ẹnẹ kà ọnị ọ̀ kà yị Ẹnẹyịmavara ịsa avọrọ ka ọ mẹ nị? Ẹnẹ hụ ọ zụ ọ ịsa, à vị ka ọ sị ajiwe yọ? Ẹnẹ ọ họ̀ use ajiwe hụụnị ụvọ anị ka ọnị ọ̀ nyị ịrẹyọyẹ, dị ọnị ò yẹ a mẹ vọrọ ka a mẹmẹ mẹ̀ ịsa ọnyọọnyị nị?