Popular Bible Verses from Anẹhwẹsọsị 4

Share

Ama waa ngụ ayị ẹngụ nịnị, dị ụ waa vayị ẹngụ nịnị, dị ụ wa rẹẹ vagu ẹngụ nịnị, anka Ohomorihi mẹ̀ hụ agụvị Ikirisiti dị ọ vagu wu nịnị.

Nyị ịrẹsụ ọkahi, nyị ayohunẹnẹ, dị ụ wa rẹ vị onisuuru nịnị ẹtẹẹtẹrẹ. Wee sì ịrẹyị ẹngụ nịnị ini oze ọyịsị ẹngụ jị ọọ yị ẹngụ nịnị.

Asị ụ rẹ̀ kà ịrẹyị odivi nịnị! Ama waa kà ịrẹyị ọyịza ana vaa gụ aza ụvọ nịnị, dị aza ana aa wụ́ ịrẹyị awụ nịnị, è zụ re ọgụvọ ịnị anị.

Asị ụ rẹ̀ kụkụ nyị ẹngụrẹyị ọnịrị ọyịkụ nịnị! Asị u rè nowu kú ẹngụ nịnị, asị ụ rẹ̀ rẹ kụ̀ ẹngụ ụhụ nịnị! Hụụnị avaba ebira odivi nịnị!

Wa zụ kụ́ ayị, ama asị ụ zẹẹ ka ọyịkụ ọ̀ sị wụ na mẹ ịvị! Asị ụ zẹẹ ka wa kịị kụ́ ayị pooro dị ọyị ọ̀ ta. Asị ụ sị oze yị Echu nịnị!

Agụvị avọọ kụkụ sị ebira awụ nịnị ịyẹẹyẹ tịtẹ! Ebira ọnọọ vị ịsa ọnị ọchẹngụ ọzaā sì eneē vene ọza; ọ sị wụ nịnị wụ da. Navọ Ohomorihi ọ̀ vara ayị awụ nịnị ọnịrị ariro awụ nịnị ọwọọwa. Kụkụ nyị ebira ọwọọwa oni Ohomorihi mẹ véné ẹngụ anị nịnị! Ẹngụ ebira ọnọọ vị anaā mẹ̀ ịsa ana vọrọ, dị ọ́ nị, di o re zé Ohomorihi eyi.

Ẹwụ nịnị ọnị Ụhwẹ Ọnịnị sị vabẹ, re ka wáa sị vụrị dị ụ wa yị vavọọ vabẹ nịnị ịnị ẹngwọọrọ!

Ọnị ọ sị ụkata yị aza ẹnyị ka ẹ̀ vị odeyi, dị aza ẹnyị ẹ̀ vị ọnịsẹ, dị aza ẹnyị ẹ̀ rẹ vị enenubọyịza nị. Ọ rẹ sị ụkata yị aza ẹnyị ka ẹ̀ vị aza ana sị eyi pe aza Ohomorihi, dị aza ẹnyị ẹ̀ẹ zụ̀ aza ịsa nị. Ộ vavọọ mẹ, agụvị ò zụ tenyi avaba aza Ohomorihi ẹngụ, dị ẹ̀ zụụ mẹ̀ ụkọrọ Ikirisiti, dị ẹ̀ rẹ zụụ mẹ ọgụvọọ yị (anịragụ Ohomorihi ana vị) ẹngụ Ikirisiti. Avọọ ọ mẹ̀ vaa yịị yà pooro ne tù ụmẹ ọnya, ana ahịka avaba ayị vaa vaabẹ ịnị ọyịsị ayị tụra Ikirisiti, dị ya rẹ yẹ Ozi Ohomorihi. Ịjọnọọ ị vaa vịra, dị i rẹ gụ, anka Íkirisiti ọnị mẹ̀ rẹ yà.

Ịjọnọọ, yẹ yị kụkụ vaa yà anka ezweyi ẹnẹ ẹ̀ yị mā jẹẹ aha ọnya, dị enevene ana aa zụ̀ aza ịsa aa kụ́ waa vaa chíi vaa hịrẹ anka ahị avọọ. Dị ẹyaa sị irikichi ẹnịnịị be aza enee vee vene. Ama à navọ yee sì ịrẹyị ẹngụ, dị yaa kà ịzẹyịzaa yị ẹngụ, agụvị dị yaa vịraa véné Ikirisiti ini oze tụra oze! Ikirisiti vị ana jẹẹ yị ịrẹsụ