Popular Bible Verses from Anẹhwẹsọsị 2

Share

Ụkọrọ ụvọ Ohomorihi ị vị nị, ộ mẹ̀ ka ẹyịrị Ijeesu Ikirisiti ọ̀ vị ọnya, agụvị dị yaa zụụ mẹ̀ ịsa ozoza ọnị ọ vịdị sị eto anị mẹ tịtẹ ka ị vaa mẹ.

Vị Ohomorihi vayị awụ nịnị kẹnẹ, dị ọ dọ wụ nịnị há, ụ mẹ̀ sị ayị tụraa nịnị nị. Ayị vị agụvị ịsị ụ mẹ nịnị, vị Ohomorihi sị yị wụ nịnị ọọhẹ kẹnẹ nị. Ayị rẹ vị agụvị ka ọzọnyị-ọzọnyị ọ́ọ da mẹ chẹngụ, Óhomorihi sị dọ ọ há. Agụvị avọọ ẹ yị nyị ịsị ọza zụ sị wo oto ịnị anị.

Ama Ohomorihi vị ana nyayịnẹ vayị ayị, di o re sì ịrẹyị ayị ẹtẹẹtẹrẹ. Ị́vị ayị ọnịrị akamawụ ẹngụ ayị mẹ̀ daka yị sị yị wụ, Ohomorihi ọ yị mẹ ka ya varẹma yàra beri Ikirisiti. Ayamva Ohomorihi kẹnẹ ọ sị dọ yị há nị.

Ohomorihi ộ ha yị kwẹẹtẹ beri Ikirisiti, dị ọ mẹ ka ẹyị ọnị ọnịrị Ikirisiti sị vị ọnya, ẹyịrị ọọ ò dudu yaayịtẹ ẹ́bẹẹba nị.

Agụvị avọọ, ẹwụ nịnị ẹnẹ ẹ̀ yị vị Aniju, wẹ yị kụkụ vị ọzọga ọnịrị ọza ẹnẹsa nịnị. Ẹwụrị aza Ohomorihi kụkụ vị anẹkụra ọnya nịnị, anineehi Ohomorihi u kuku dudu vị nịnị nị. Ẹwụ nịnị rẹ yà ini irehi ọnọọ ana odeyi nịnị ọnịrị ọnịsẹ nịnị ká ẹtẹ. Ijeesu Ikirisiti ọnị ụvọta ọ vị ohyẹtẹ irehi ọnọọ nị.