Popular Bible Verses from Ịrẹyị Ọzwọzịsa 1

Share

Ka ịjị ọza aa yẹ ịrẹyị hu avọọ, dị ayodu anị aa banyị hu avọọ nị. Ọza aa yẹ ịsaa hu avọọ vị ọọ mẹ ka ịrẹyị ọọ zị ọ ẹngụ nị.

Ịsa anaa mẹ booro aanị ọ vịdị sị mẹ da. Ịsị ana mẹ booro aanị, á rẹ vanaa mẹ nị. Ẹ yị nyị ịsị ẹ vị ọwọọwa ịnị ẹhẹ ọnọnị.

Ẹhẹ ọ sị du ọza eyi, irenu ẹ yị zụ ka a. Eyi ọza e yi re ẹtẹ pooro di ọ̀ ka a ka ọ sị ọnị tụ. Ọza ẹ yị wụ́ ịrẹyị pooro dị ọ̀ ka a ka ụtọ anị o sị hí.

O! ẹ yị nyị ịsị ẹhẹ ọnọnị vị ọ. Ọzwọzịsa ka, avaba ẹhẹ vị osusu bemi-bemi. Ọ kà, ọgụ sị ọza vanaa rị ịnị avaba ụkọrọ ọnị ọzaa mẹ dị eyi anị ee vị tụ ọ? Ọgụ sị ọzaa rị ịnị avaba ịsa ọzaa mẹ ịnị ẹhẹ dị ẹ yị nyị eyi tụ́ ụhwọ́ kẹ?

Ọ kà ọnị o si o re ka avaba ịsị aza ana aa mẹ ịnị ẹhẹ ọnọnị vị osusu. Vị ọ sị mẹẹ anka ọza òo rere aa dụ ahị avọọ nị.

Aza maa vẹ ẹhẹ, avọọ aza mee sú nị, ama ẹhẹ ẹ yị vị vara.

Ọza ẹ ma zụ tamayị avaba ịsị ana mẹ ịyẹẹyẹ, avọọ aza anaa tụra ayịị vẹ ẹnị ẹ̀ yị mẹ rẹ va zụụ tamayị avaba ịsị ọnị yaa mẹ ụhwọọ nị.

Ọ kà ọnị ọ mẹ asụvụrị ka ọnị ọ yẹ́ ịsa aa hị́ ịrẹyọyẹ ọnịrị ụra ọyị mẹ, ama dị ọnị re ne tu ka ọsọnị bẹẹ vana rẹ sị mẹẹ anka ọza rere aa dụ ahị avọọ nị.