Popular Bible Verses from 2 Ịtọpa 20

Share

Dị Ijahaziyẹrị kà a taarụ Ohinọyị ọnịrị avaba Anijuda ọnịrị Anijerusarẹmị nịnị! Ẹnẹyịmavara kà a asị a nyị ọza ọnị o du eyi, dị asị e hí angwa ọyị nọ ịrẹkụ ọkọnị isoja ẹnịnị.

Ẹnẹyịmavara raa kà a ẹ yị vị ẹnị ẹ vaa kụ́ ịrẹkụ ọnọọ. Ẹ yịị vavọọ jẹẹ aha ẹnịnị ee zi. E vee re Ẹnẹyịmavara mẹ̀ vaa sị wa nyị ẹbẹẹba. Asị Anijuda ọnịrị Anijerusarẹmị nịnị kahi ịrẹma, asị e hí angwa. Ẹ nọ ịrẹkụ ka Ẹnẹyịmavara vaa jẹẹ wa ịrẹma.

Ộ kà a Ohomorihi ọ sị ụya rị wa agụvị ka ẹ yị nyị ịsị ẹnị zụ mẹ̀ ọkọnị isoja ana va eyi ịrazị ka ẹnị aanị. Ẹnị ẹ yị yẹ ịsị ẹnị zụ mẹ̀, ama ẹnịnị ee zi Ohomorihi eyi ka ọ va gụ́ ẹnị ụvọ nị.

Ịrẹma ọnị Ijehosahwati reè beri aza ka ịrẹyị, dị ọ kà ẹnyị ịnị ọjahẹ ẹnịnị e chire awuru ẹnẹē sị mẹ̀ ahẹkẹ ẹkụhị eche, dị ẹẹ jị ahẹ tụ́ ọvịdị isoja nịnị. Ẹ́ẹ jị ahẹ ka, ga Ẹnẹyịmavara! Oyisì anị vị ana ya ịzọọ pooro zịna-zịna.

Ẹnịnị màa jị ahẹ, dị Ẹnẹyịmavara mẹ̀ ka isoja ana ngụ tu wa ee hì angwa.

Ịjị ọ maanị wụ́ ọ kẹnẹ, dị angwa hi ọ, dị ọ aduwa ka Ẹnẹyịmavara ọ sị oze zụ ẹnị nị. Dị ọ kà avaba Anijuda ẹ za awẹ

Àa nyị ẹngụkata ene tù wa: Ọ vị ịrẹkụ, ọ vị ụkụ, ọ vị ụngwẹ. Ụmẹ tụra ụmẹ ọnị ịrẹyị òo tù wa, nini ọ nọ ọvịdị irehi anị ịzị ẹ yaa mẹ̀ ahẹkẹ na dà ịpẹ yị Ẹnẹyịmavara, Ụ vaa wụ̀ yị, dị ụ dọ wa ha.

Ộ kà a nọ ịrẹkụ aza ẹnẹẹ ẹnịnị aa parahu Izizi. Ẹnịrị wa ẹ na gẹ ẹhwị ẹtẹ inozi ana na ngụ ụnọmị ana gụrị Ijeruwẹrị.

Ịzẹyịza dị avaba Anijuda nịnị hụrẹ ẹkụra irenyi-irenyi kụ́ ẹngụ gụ ka ẹnị aa pa ka Ẹnẹyịmavara ọ gụ ẹnị ụvọ nị.