Popular Bible Verses from 1Ipita 2

Share

Àa vị ẹwụ nịnị yọ, ẹwụ nịnị vị aza oni Ohomorihi sị nyị. Ẹngụ ohirẹsụ irehi Ohomorihi ana aa hẹkẹ Ohomorihi Ohinọyị, ụ vị nịnị nị. Anẹkụra oni Ohomorihi nyị tụ́ irenyi yị ẹngụ anị, ụ vị nịnị nị. Aza Ohomorihi obooro ụ vị nịnị nị. Ộ nyị wụ nịnị ka waa kà a yị aza ịsa ẹbanyị-ẹbanyị oni Ohomorihi mẹ, ọ mẹ̀ hị́ wụ nịnị hụụnị ịrahụ va ngụ ini ẹtohweyi anị ene hí ọza irenu.

Ikirisiti ụvọta ộ sị ịrẹsụ dọ ụya ịvị ayị, a mẹ̀ kanyị ọ za ọchị apavahị, agụvị dị ya kụkụ sị mẹẹ oku avọọ dị asị kụkụ zụ mẹ ịvị, dị ya kụkụụ mẹ ịzẹyịza. Ini oze ụnava ana a tụ̀ ọ, ọ sị mẹ wụ nịnị ụkụ nị. Vị ụ vịdị sị mẹẹ anka atẹmẹ ene vú nịnị avọọ nị, ama booro aanị wa zị vavẹ ịdị Ọza ene ee sere wu nịnị, dị ọ raa tẹsị awụ nịnị.

Ịyẹẹyẹ wẹ́ yị vịdị vị aza Ohomorihi nịnị, ama booro aanị wa sị vara aza anị nịnị. Wẹ́ yị rẹ vịdị yẹ ayamva Ohomorihi nịnị, ama wa sị ọ yẹ nịnị booro aanị.

Ama waa mẹ nịnị anka ozi ọwọọwa eneē sì ịrẹva oyi hú. Ẹwụ nịnị ọ̀ rẹ vavọọ sì ịrẹyị Ohomorihi ọ̀yị wụ́, agụvị dị ụ waa vịraa tụ́ ịnị ẹdọha nịnị

Ẹwụ nịnị ọnị mi sì, wâ yẹ nịnị ka ọzọga ụ vị hi ịnị ẹhẹ nịnị nị. Agụvị avọọ, maa dá ịpẹẹ wụ nịnị: Và hụụnị ịsa edivi ọnị ọchẹngụ awụ nịnị sì. Ịsa ẹnẹẹ vị ana và eyi ịrazị kà ayị awụ nịnị. Waa mẹ̀ ebira ọyịza, ụ mẹ yà ịnị akakana anarịmadọwụ nịnị aanị. Aza ẹnẹẹ ẹ̀ẹ daka aa kà ịrẹyị odivi awụ nịnị, áa vọrọ ka è zụ ré ebira ọyịza awụ nịnị, dị ẹ̀ zụ sị ụga yị Ohomorihi ịnị ẹkụhị oni òo ve tù wa.

Ẹwụ nịnị nyẹmba vị ana rẹ yà anka ịrẹta ana yára avọọ. Ohomorihi aa sị wụ nịnịị dà irehi anị ana yára. Ohomorihi ọ raà sị wụ nịnị tụ́ irenyi yị ẹngụ anị anka ohirẹsụ irehi Ohomorihi nịnị, ka wa sị ụkata Ụhwẹ Ọnịnịị hẹkẹ Ohomorihi nịnị. Ọnọọ ọ vị ịsọvọ ọnị waa mẹ̀ ẹ hi Ohomorihi ini oze Ijeesu Ikirisiti nị. Ịsị Ohomorihi sì ọ vị ọnọọ nị.

Agụvị avọọ, hụụnị avaba ịsa odivi! Asị u ré vene ọza nịnị vụrụ-vụrụ! Asị ụ rẹ̀ mẹ ogevegeve nịnị! Asị ụ rẹ̀ mẹ eyọhụrẹ nịnị! Asị u rè du ọza nịnị.

Vẹ ịdị Ijeesu Ikirisiti ana vị Ịrẹta ana yára nịnị. Aza ê yi ọ tịtẹ, ama Ohomorihi ọ sị ọ nyị, ịsa obooro ọ vị̀ yị Ohomorihi nị.

Waa mẹ anka aza ana nyị ẹngụ anị nịnị, ama asị ụ sị ọnọọ kà eyi hi, dị ụ waa mẹ̀ ịsa odivi; ama waa mẹ anka ozi ahụ Ohomorihi nịnị.

Ohomorihi ô sì ka waa mẹ̀ ebira ọyịza, agụvị dị ụ wa zụ mẹ ka ọnụra nịnị ẹnẹ ẹ̀ yị nyị ịsị ẹ yẹ, ẹ̀ sị irenu ẹnịnị kú oku.