Popular Bible Verses from 1 Ohinọyị 18

Share

Ẹnẹyịmavara, navọ we tụ́ mi ohi, navọ we tụ́ mi ohi dị aza ẹnẹnị ẹ̀ yẹ ka ẹwụ Ẹnẹyịmavara ẹwa vị Ohomorihi nị. Dị ẹ̀ rẹ yẹ ka waa vara wa ayị vàa ká ẹngụ awụ vẹ.”

Ịjị o si tù ụmẹ ana a sịị̄ mẹ̀ ịsọvọ ụmẹ ọọdụ, di Erija ana vị ọnịsẹ kà tụ́ ọvịdị dị ọ ka, “Ẹnẹyịmavara ana vị Ohomorihi ana Abụrahamị ọnịrị Ayiziiki ne beri Isirẹrị hẹkẹ navọ aza ẹ̀ yẹ ajịnị ka ẹwụ Ẹnẹyịmavara, ẹwa vị Ohomorihi tụ́ ịnị ẹtẹ Anisirẹrị nị. Navọ à rẹ yẹ ka ẹma vị ozi ahụ awụ nị, ka ẹwa kà a ka ma mẹ avaba ịsị maa mẹ̀ aanị nị.

Di Erija tere pè avaba aza ẹnẹẹ dị ọ ka Ị́zị ụ maanị vaa mẹ ayị ẹẹva nee tù nịnị? Àa vị Ẹnẹyịmavara ọ vị Ohomorihi nị, waā saasa a nịnị! Àa rẹ va vị Ịbaarị yọ nị, waā saasa a nịnị! Aza ẹnẹẹ e yi tụ́ Erija ohi vụrụ-vụrụ.

Dị ịra vana hụrẹ ịda Ẹnẹyịmavara vẹ, dị ọ rị ịsa ịsọvọ ọnọọ ọnịrị ọkụ anị ịra nị. Ịrẹta ọnịrị ezi ne beri enyi ene hi ini ahata vị ọnị ịra ọnọọ rị saka-saka.

Ịjị avaba aza ẹnẹẹ vavọọ re e, dị ẹ tana tụra ẹtẹ dị ẹ kà, “Ẹnẹyịmavara ọnị ọ vị Ohomorihi nị, Ẹnẹyịmavara ọnị ọ vị Ohomorihi nị.”

Ozi ọnọrụ ọnọọ mẹ̀ na ịnị ana tụ́ ọ ụpẹ ịhịmba, dị ọ ka, “Â nyị eguhi chee aanị, ọ sị sị yà anka ụvọ ọza avọọ, ộ maanị dà tụ́ oze oku.” Di Erija kà a yị ozi ọnọrụ ọnọọ ka ọ̀ na, dị ọ̀ na ka ẹ yị Ahabị ka ò tenyi umaata anị, di òo chi nọ ini eehi, ka orihi va za a jẹẹ.

Ẹnẹyịmavara ộ sị ụkata yi Erija, di o tenyi awuru anị di o zwe dọ ọvịdị Ahabị na ngụ Ijezirẹẹrị nị.

Ịjị Erija vavọọ sị wa wụ, dị ọ va kà a yi Ahabị dị ọ kà, “Kwẹẹtẹ wa rị ịsa, di we sì ịsa hú, ka maa wụ́ ka orihi ọbanyị aa karutu.”

Dị ọ kà a yi ozi ọnọrụ ana yà pè e, dị ọ ka ọ̀ hịrẹ na, dị ọ̀ na kana eyi ózee eyi oku nị. Ịzẹyịza di ozi ọnọrụ ọnọọ na kana eyi, dị ọ ka ẹ yị nyị ịsọnyị-ịsọnyị nị. Erija ộ tụ́ ọ varẹma ka ọ̀ vavọọ na kana eyi tù ụpẹ ịhịmba.

Di Erija va hị́ avaba aza ẹnẹẹ dị ọ ka ẹ̀ kà pè ọnị nị. Ịzẹyịza di avaba aza ẹnẹẹ kà pè e nị. Di Erija tenyi atakuji ịzị a yàā mẹ̀ ịsọvọ yị Ẹnẹyịmavara ene vịdị wu hi ẹtẹ nị.

Di u nowu hí ori awụ nịnị, dị ẹmị rẹ hị́ Ẹnẹyịmavara. Eni èe ne tụ́ ohi dị ọ sị ịra vẹ nị, dị a yẹ ka ọnọọ ọ vị Ohomorihi obooro nị.” Dị avaba aza ẹnẹẹ tụ́ ohi dị ẹ ka ịrẹyị eni Erija kà ô zoza nị.

Dị ọ kụ́ ịrẹta ẹwụrẹva anka ịrịka ịrẹsụ ezi Ijekọvụ nị. Ijekọvụ ọnọọ Ẹnẹyịmavara vịdị kà a yị ka Isirẹrị ịrẹha anị vaa rị nị.

Ịjị ọọdụ si tù, di Erija aa sị waa mẹ enyinyi nị, dị ọ kà, “We rè nowu hị́ ọ nịnị! Áa vị ụ ka Ohomorihi ọ vị nị. Ọ nyẹngụ aa sụ ara, à yị vị avọọ ahịka vị a nyị ịsị aa mẹ ịnị ụvọ nị. Ộ hyakụ nyẹngụ sị jịnẹ, à vị ka aa sụ ara. Hị́ ọ ka ọ vaa kwẹẹtẹ.”

Di Erija kụ́ ịrẹta ọnọọ dị ọ sị hi ụta ịsọvọ ịzị a yàā mẹ̀ ịsọvọ ịzị a zụ yà aa hẹkẹ Ẹnẹyịmavara nị. Dị ọ chị ahata kara atakuji ọnọọ nị. Ahata ọnọọ ộ nyịnẹ, ọ zụ dọ ayị ẹnya ẹẹva.