Popular Bible Verses from ILUKU 5

Share

Ụka ká iJisọsị mẹ ang ọọwa jẹ kpá, ọ byi ịSayịmọn yẹkẹẹ, “Ẹnwa ọlẹng, kẹwẹ kaka ju ụmwụ nya enyi nyang kele ka ẹga nya ụjẹ ẹmwụ okpori-kpori ọlaanyị kanụ da ụgbọwụ nyanụ ụ-ụwa mẹ! Aalẹ, anụ ka wu iyenyi lẹ.”

ỊSayịmọn wẹ byọọ yẹkẹẹ, “Ayịbahị ee! Ịnọ, ahị yẹ akama nya ịlẹhị-ịlẹhị lodu-odu gbee ká ahị pyẹ lẹ, áhị́ wu ịngịngịhyẹ kpong-kpong ka. Ma, bwula ẹla oyaya ọlọnụ nyang, m ka da ụgbọwụ ọọwa jaabwọ ká ya lẹ!” Ịnyị, ụka kị kele kaka da ụgbọwụ nyaa ụ-ụwa ịnyịlẹhị lẹ, ị wu iru nya iyenyi myị ụgbọwụ nyaa kpọng-kpọng lala o-ri yẹkẹẹ, ụgbọwụ nyaa ịịwa nyaa ka gu ene hi awụlẹ lẹlẹ.

Ma ụka ọọwa, iJisọsị juwa kaa jụ kwiikwii, kele ka ugbileji ẹ-ẹgẹhẹ kaka hụwa, juwa raabwọ ha Ohe Oluhye ụbwọọmwụ-ụbwọọmwụ ịnyịnyịịnyị.

Aangịlẹ kị hu ịlaa nya alabwẹla ọnyịịla, m warị wẹ odehe ọlẹ kam ka wụrụ ka! Ma, m warị kam ka kpa alọhọbịrị nya tịrẹkpẹ warị wẹ ụgbẹyị nya irya ọ-yẹda ịnyị!”

Ịnyị, ụka ká ịSayịmọn iPita chẹhị kaka yẹ ụkụrwọ ẹbyẹbyị ọọwa lẹ, ọ kele kaka hịda keji i-ijata nya iJisọsị lẹ, ọ byọọ yẹkẹẹ, “Ọngọlahị, tụ kịnyaa hi ẹga nyam mẹ. Chajị am ri ọngọhọbịrị lụmẹ.”

Ọọwa lẹ, iJisọsị a wẹ byaa yẹkẹẹ, “Anụ wo mẹ! Ube utoji ọkaka ka ẹga nya idongkita, á kaa baba ha angịlẹ kị la ịnyịrọ ogogo ka. Kẹnẹ-kẹnẹ, angịlẹ ká ẹdụrụ á juwa jụ ene lẹ mẹ ịnyị!

Ịnyị, ụka ká iPita anyị kpa amwụ nya enyi nyaa ịwẹ pwụ ọnụụka lẹ, ị tụụbwọ hi ang myị́ ang nyaa wuu ụ-ụwa lẹ, ị ba iJisọsị jẹ lẹlẹ.

Ụka ọhẹ ká iJisọsị juwa e-epweji ọhẹ, ọlẹng ọhẹ juwa ụ-ụwa kọ chị ekpo myị ịnyịrọ-ịnyịrọ. Ụka kọ chẹhị kaka yẹ iJisọsị, ọ kele kaka yahị nyamwụ kụrụ eji i-ijata nya iJisọsị lẹ, ọ bịlọọ yẹkẹẹ, “Ọngọlahị, ó-ri ká myị, ịnọ, m jẹ́ ká ka la ọngịrị họm uda nya ekpo nyam ọlẹ myị́.” Ọọwa lẹ, iJisọsị a nịra ụbwọ nyamwụ kpaa, kaka gu olekpo ọọwa lẹ, ọ byoo yẹkẹẹ, “M myị nya ịlẹhị-ịlẹhị lẹ. La gogo alẹ mẹ!” Ịnyị, ekpo nya ọlẹng ọọwa a myị́ cheri-cheri ahyaahị iijata-ijata ọọwa lẹlẹ.

Ma, ọkọkọ nyọka ya ẹlẹlẹhẹ rụ́ ụkụrwọ ẹbyẹbyị nya iJisọsị ka lẹ, ohi oruru nya ụkụrwọ ẹbyẹbyị nya iJisọsị mwọọgịlẹ pyebile kpanggbaa ju ka ẹga myị́ ẹga wuu. Ọọwa lẹ, iru nya angịnyị a juwa mwụ tọọtọọ kele kaka wo ẹla nya Ohe Oluhye oyaya nya iJisọsị lẹlẹ. Alẹdụrụ la datị-datị juwa kele ka ẹga nyamwụ kọ ka haa uda nya ẹdụrụ nyaa wuu ụ-ụwa ịnyịnyị.