Popular Bible Verses from ỌMWỤ ỌDADA 37

Share

IJosẹfụ la ụlaa ọhẹ. Ụka kọ wa ụlaa ọọwa je anyadamwụ, ọ họ ká iJosẹfụ waa ẹjẹ lụmẹ gụ olene-ene.

Isirẹlụ hu iJosẹfụ ọnụ-ọnyị nyamwụ chajị iJosẹfụ ri ọnyị ọlẹ kọ ma la ọgbahị. Isirẹlụ gá awụrụ ọtụka ogbileji ọnyịịla-ọnyịịla ọlẹ kọ la abwọ gbọng ha iJosẹfụ.

IJosẹfụ wụ anyadamwụ ịkịla wuu ẹjẹ lụ mẹ lẹ. Ị́ kaa ya ẹla tọọ la ẹhị okpunyi kpong-kpong ka, chajị ị jẹ ya iJosẹfụ nyaa há adịdịwa gụ ịwa angịkịla wuu lẹ.

IJosẹfụ myịmyị la ụlaa ọkịla. Ọ wọọ je anyadamwụ yẹkẹẹ, “Anụ wo ụlaa ọkịla ọlẹ kam la lẹẹ wẹẹ. M̀ yẹ ẹnụ bala ọya bala ịdịchụ iwo kụrụ ookpokpo kị juwa hirikpẹẹ ham.”

Ịnyị lẹ, anyadịda nya iJosẹfụ ịwẹ a juwa la ọkịlẹtụ ijiiji ẹ-ẹga nya iJosẹfụ lụmẹ lẹlẹ. Ma, adamwụ ju ẹla nya iJosẹfụ ọọwa ẹjẹẹ nụwa u-uhye.

IJosẹfụ wa ụlaa ọọwa jaa yẹkẹẹ, “Anụ wo ụlaa ọlẹ kam la wẹẹ! M̀ la ụlaa kaahị wuu juwa chị ẹbwọ nya ịngịhyẹ lala ịrayịsị ẹ-ẹrụ. Ọọwa lẹ, ẹbwọ nya ịnyam a wuleji gọdayị kọkọ lẹ, ọọwa lẹ, ẹbwọ nya ịnya ọngọngọọng lẹpwụ nyanụ a wuleji kaka gọdayị dọgịlẹ ju ẹbwọ nya ịnyam juwa gbịgba họọ lẹlẹ.”

Ụka kọ warị lẹ, ahị nwọọ kahị hu ogu nyamwụ ju ka ẹpwụ nya ụjẹ-ọpyị ọhẹ mẹ. Ụka kahị nwọọ kpá lẹ, kahị byi angịnyị yẹkẹẹ, iyo ọnyọọngịrị ọhẹ a nwụ iJosẹfụ wẹ boo ri lẹlẹ mẹ. Ụka kahị họ ịnyị kpá lẹ, kahị yẹ jaabwọ ká alaa nyamwụ ịịwa ka bwu họ jịra myị mẹ.”

Ụka ká anyadịda nya iJosẹfụ juwa kpa ẹla ọọwa ọ-ọnụ wẹẹ lẹ, ị chẹhị kaka yẹ alọhị ịlẹ kị bwu ọpyị nya iMidiyan kị juwa chịpwụrụ kam lẹlẹ. Ọọwa lẹ, anyadamwụ a kele kaka gba iJosẹfụ kpehe bwu ẹpwụ nya ụjẹ-ọpyị ọọwa ọlẹ kị hwoo ju ka lẹ, ị hu iJosẹfụ rịra ala Ichimẹlụ lokpoko onyoowuru iwo imiiye lẹlẹ. Ịnyị, ala Ichimẹlụ ịwẹ a kpa iJosẹfụ rụ kele ka ọpyị nya Ijipiti lẹlẹ.

“Ẹhẹẹ, anụ chẹhị kaka yẹ olegbeju nya ụlaa ọlala kọ lalẹẹ warị moo!

Ụka ọlẹ ká anyadịda nya iJosẹfụ chẹhị kaka yọọ ẹ-ẹga ọlụrụ kọ juwa jẹ warị, ị mẹ obyi nya igu ju iJosẹfụ yẹkẹẹ

Ọkọkọ nya ọọwa lẹ, anụ kẹwẹ kahị woo wu ju ka ẹpwụ nya ụjẹ-ọpyị ọhẹ lahị-lahị mẹ, chajị ọ́ chịla kahị ka nwụ ọnyadahị lịlọhị ịịwẹ kpong-kpong ka.” IRubẹn byaa ịnyị, chajị kọ ka jẹ-ẹ kele kaka gba iJosẹfụ kpehe du rụ kele kịla adaa ẹ-ẹkpẹ-ẹkpẹ nyaa.