Popular Bible Verses from Səɓəlari 5

Share

Aghəla nda antə Musa ka Haruna ku mwari akəma kuthli. Tə da pəla alari, “MTHLAKU na Hyelər Israila pəla, ‘Zhar mjirna ka da təra kamnyar ka da ra hara kucali ar vəngkər səli ali akwa mtaku.’ ”

Kamnyar tsu vir tə I mwari adzə kuthli ka gari alari akwa thləma ga, antə tsa baɗitə hamta bwani aka mjir nga. Tsuwa ga aɗi hara su wala raka kamnyar msərantə mjir ngə wa!”

Antə Musa ku ngka adzə MTHLAKU ka damwa ka pəla, “MTHLAKU, kamnyar mi tə gə psəngkər sha aka mjir ngə ri? Kamnyar mi tə gə thlentə ra azi ri?

Amma kuthli ni pəla, “Wan MTHLAKU nə ri, natə har I ata kələngkər alari, ka zhar mjir Israila ka da təra ni? I asəndə MTHLAKU ni wa, nggədza ma shang I aɗi ata zhar mjir Israila ka da təra wa.”

Wala apani, ka giri pəla ka da səntə hangkur bulak tə mdə thlamta ala ɗa apa na hwatu, giri aɗiya kəmta wala duku wa. Kamnyar da hir harwakur. An su na hara tə da akwa tuwa abbər ka mdə zhar ɗa ka da ra hamta saɗaka aka Hyelər ɗa ni. Pu giri ɗa akwa kəthlər na mwavərari na ata ngkatə ɗa ta da apsi thləm aka gariyayeri ar thlandəra.”