Popular Bible Verses from Səɓəlari 2

Share

Hyel ku nggatə nggyinggyir ɗa, antə tsa ɗangtə alkawal tə tsa hara aka Ibrahim ka aka Ishaku ka aka Yakub. Hyel ku wul laku tə mjir Israila akwa, ka damitədzi kamnyar ɗa.

Aghəla məvayeri laga hang antə kuthlir Masar nda ku si mti. Amma wala apani mjir Israila ku ləkəma ka tuwa ka nggyinggya kamnyar bwani ar mafakur tə da akwa. Da ku tuwa abbər ka Hyel dlar ɗa akwa jili bwani ngəni antə tuwar ɗa ku mwari akəma Hyel.

Sakatə ɓzəngkyar ni ku kəla ka hara ola, antə mwala ni kətə ni ka mwanta aka ngkwar kuthli nda. Antə ɓzər ni ku ndzi ɓzərni. Antə tsa vətə thləmari Musa, kamnyar tsa pəla abbər, “I kəɓəla ni akwa yimi.”

Antə ngkwar kuthli ni pəla alari, “Kətə ɓzər maɓir ngəni, kara kəlantə ni ali, antə I ata ntəmta nga.” Antə mwala ni kətə ɓzər maɓir ni ka kəlantə ni.

Aghəla nda təkəma təng ngkwar kuthli ləghəi ra pəra akwa mnya Thlyagha Nayil ni, ka ngkwarkəmayeri arni akwa mwa ata mnya thlyagha ni. Təng tsa wutə thlambəl ni akwa nca duwathlu, antə tsa thlentə pal akwa nca ngkwarkəmayeri ni ka tsa ra kətə ri.

Sakatə Musa ku kəla, antə vir laga tsa mwari adzə mjirni kamnyar ka tsa wutə laku tə da akwa ɗar bwani akwa hara kəthlər mafakur ni. Antə tsa wutə mdər Masar laga akwa dəka mdər Ibrani, na pal akwa nca maɗama'ni. Antə Musa shinardzi ka wuli su abwani ka abwanda. Sakatə tsa wuta abbər mda aɗi akwa wul ni wa, antə tsa tsi mdər Masar ni, ka ɗuwar mshiyirni akwa wuyaku.