Popular Bible Verses from SAM 18

Share

LALPA chu ka lungpui leh, ka kulhpui leh, mi chhanhimtu a ni; Ka Pathian, ka lungpui nghet tak a ni a, amahah chuan rinna ka nghat ang; Ka phaw leh, ka chhandamna ki leh, ka kulhbîng sâng a ni.

Pathian zawng, a kawng chu a ṭha famkim a; LALPA thu chu fiah a ni tawh; Amaha rinna nghat zawng zawngte tân chuan ani chu phaw a ni.

Fak tlâk LALPA chu ka ko vang a; Chutichuan, mi dotute lakah chhandamin ka awm ang.

Ka manganin LALPA chu ka ko ṭhîn a, Ka Pathian ka au ṭhîn; Ani chuan a biak in aṭang chuan ka aw a hria a, A hmaa ka au thâwm chu a bengah a lût ta a.

Nangin ka khâwnvâr hi mi hâlsak dâwn si a; LALPA ka Pathian chuan ka thimna hi a tiêng ang.

Chaknaa ka taia mi hrêngtu leh, Ka kawng tiṭha famkimtu Pathian chu.

LALPA chu a nung reng e; ka lungpui chu fakin awm sela; Mi chhandamtu Pathian chu chawimawiin awm rawh se